Ծառուկյանի կինը Փաշինյանի կնոջ հիմնադրամին է նվիրել 12 մլն դրամ
Վարչապետի տիկին Աննա Հակոբյանի ղեկավարած «Իմ քայլը» հիմնադրամն իր կայքէջում այսօր հրապարակել է նվիրատուների ցանկը՝ այդպիսով խախտելով «Հիմնադրամների մասին» օրենքի պահանջը։
Օրենքի 39 հոդվածը սահմանում է.
«Յուրաքանչյուր տարի հաշվետու տարվան հաջորդող մարտի 25-ից ոչ ուշ հիմնադրամն http://www.azdarar.am հասցեում գտնվող Հայաստանի Հանրապետության հրապարակային ծանուցումների պաշտոնական ինտերնետային կայքում պարտավոր է հրապարակել՝
1) հաշվետվություն իր գործունեության մասին: Հաշվետվությունը պետք է պարունակի տեղեկություններ իրականացված ծրագրերի, ֆինանսավորման աղբյուրների, ֆինանսական տարում օգտագործված միջոցների ընդհանուր չափի և դրանցում կանոնադրական նպատակների իրականացմանն ուղղված ծախսերի չափի, հիմնադրի, հոգաբարձուների խորհրդի անդամների, կառավարչի և հիմնադրամի աշխատակազմում ընդգրկված անձանց անուններն ու ազգանունները, եթե նրանք օգտվել են հիմնադրամի միջոցներից և ծառայություններից հաշվետու տարվա ընթացքում»։
Այսօր մարտի 27-ն է, Azdarar.am-ում էլ մինչ այս պահը չկա նման տեղեկատվություն։
Անդրադառնալով նվիրատուների ցանկին, նկատենք, այնքան էլ մանրամասն տեղեկատվություն չկա, ինչպես ֆեյսբուքյան իր էջում հայտնել է Աննա Հակոբյանը։
Տարօրինակ ու կասկածելի է, որ նվիրատուների զգալի մասի անունները հրապարակված չեն։ Օրինակ, 48 մլն 350 հազար դրամ, 20 մլն դրամ, 15 մլն դրամ, 8 մլն դրամ, 6 մլն, 4.5 մլն դրամ, 3 մլն դրամ ու էլի մեծ գումարներ նվիրաբերած քաղաքացիների անունները չեն հրապարակվել։
Հրապարակված անունների մի մասն էլ նախկին ու ներկա պաշտոնյաներ են։ Օրինակ, «Իմ քայլը» խմբակցության պատգամավոր Վահագն Թևոսյանը հիմնադրամին նվիրատվություն է կատարել մի քանի անգամ՝ 100 հազար, 200 հազար, 252 հազար դրամի և այլ չափերով։
25 հազար դոլարի նվիրատվություն է կատարել »Հայաստան» համահայկան հիմնադրամի հոգեբարձունների խորհրդի անդամ Գաբրիել Չենբերջյանը։
100 հազար դոլար էլ նվիրաբերել է Արա Աբրահամյանը։ Ենթադրվում է, որ խոսքը Ռուսաստանի հայերի միության նախագահի մասին է։
Վահե Գաբրաշը Շվեյցարիայում ապրող գործարար է, նվիրաբերել 25 հազար դոլար։ Իզուր չէր Աննա Հակոբյանը հայտարարել, որ պետական միջոցներով Ժնև է գնացել, սակայն այնտեղ ունեցած իր հանդիպումների ընթացքում հայ համայնքի ներկայացուցիչները բոլորը միասին «Իմ քայլը» հիմնադրամին են փոխանցել 75.435.620.73 ՀՀ դրամ:
Խոշոր նվիրատվություն կատարածների ցանկում է նաև Ջավահիր Ծառուկյանը, նա հիմնադրամին նվիրաբերել է 12 մլն դրամ։ Ջավահիր Ծառուկյանը ԲՀԿ առաջնորդ, գործարար Գագիկ Ծառուկյանի կինն է։
«Մեգասպորտ» ՍՊԸ-ն էլ 6 մլն դրամ է նվիրել հիմնադրամին։
Նախկին պաշտոնյաներից Ջրային կոմիտեի նախագահ Իննեսա Գաբայանը 700 հազար դրամ է նվիրել «Իմ քայլը»-ին։ Հիշեցնենք, որ այդ գումարը նա որպես պարգևավճար ստացել էր պետական բյուջեից։ Այդ մասին Գաբայանն էր հայտարարել։
Նվիրատուների ցանկն ամբողջությամբ այստեղ՝
Վարդան Ավագյան-10,000դ
Լիլիթ Կարապետյան-300,000դ
Վարդան Վարդանյան-10,000,000դ
«Ասյութ» ՍՊԸ-20,000դ
Մաքսիմ Բողոսյան, Մարկո Բողոսյան, Մարտինա Բողոսյան-24,975$
Commonwealth Casualty Company-4,994$
«Մարտիրոս Սարյան» ստեղծագործական միություն-3,000$
«Հայկական Բարեգործական Ընդհանուր Միություն» Շվեյցարիայի կոմիտե-9,980$
Վահրամ Դավթյան-10,000,000դ
Մոսկովյան գալա միջոցառման հասույթ-14,572,892դ
Վահե Գաբրաշ-25,000$
Ժան Պողոսյան-24,945$
Վարդան Ավագյան-10,000դ
Սարգիս Մարանջյան-1,198$
Ջավահիր Ծառուկյան (նպատակային՝ Քայլ առ Քայլ ծրագիր)-12,000,000դ
«Ա․Սպենդարյանի անվան օպերայի և բալետի ազգային ակադեմիական թատրոն»-1,000,000դ
Վահագն Դավթյան-10,000,000դ
Անանուն (նպատակային՝ զինհաշմանդամների վերականգնողական բուժում)-400,000$
Մանվել Ալեքսանյան-200,000դ
«Մեգասպորտ» ՍՊԸ-5,930,940դ
Վարդան Ավագյան-10,000դ
Դավիթ Խաչատրյան (աճուրդից հավաքված հասույթ, նպատակային՝ կրթական ծրագրեր)-1,522,000դ
Անանուն-4,500,000դ
Անանուն-10,000դ
Անանուն-3,000,000դ
Մերի Ավագյան-5,000դ
Վահագն Ավետիսյան-10,000,000դ
«Արևակն» ՍՊԸ-1,000$
Գոհար Գալստյան-10,000դ
Անանուն (Նպատակային՝ կրթաթոշակի ծրագիր)-48,350,000դ
«Դիլիջան Ազգային Պարկ» ՊՈԱԿ-60,000դ
Անանուն-50,000$
Լիլիթ Կարապետյան-999,306₽
Հովսեփ Ղահրամանյան-10,000դ
Վարդան Ավագյան-10,000դ
Ինեսսա Գաբայան-700,000դ
Արմինե Աղայան-675,000դ
Հարություն Պետրոսյան-20,710դ
Վահագն Թևոսյան-252,206դ
Վարդան Ավագյան-10,000դ
«Քյավառ Հեռուստաընկերություն» ՍՊԸ-500,000դ
Լուսինե Բադասյան-400$
Արամ Գրիգորյան-497$
Վահագն Թևոսյան-200,000դ
Դավթյանների ընտանիք-10,656,140դ
Նարինե Աբգարյան (նպատակային՝ կրթական ծրագրեր)-1,800,000դ
Գագիկ Քալանթարյան, Մարտին Սարգսյան-20,000դ
Արամ Գրիգորյան-494$
Վարդան Ավագյան-10,000դ
Իլոնա Քալանթարյան, Մարտին Սարգսյան-20,000դ
«Քալանթարյան Ֆէմիլի» ՓԲԸ-50,000դ
«Գաջեգործ» ՓԲԸ-100,000դ
Վահագն Թևոսյան-200,000դ
Անանուն, (նպատակային՝ Մեղրիի մանկապարտեզի վերանորոգում)-500,000$
Արամ Գրիգորյան-494$
«Քյավառ Հեռուստաընկերություն» ՍՊԸ-500,000դ
Վարդան Ավագյան-10,000դ
Հասմիկ Խաչատրյան-1,000դ
Գաբրիել Չենբերջյան-25,000$
Սուրեն Մաթևոսյան-100,000դ
«Պրեմիում Ֆուդ» ՍՊԸ--4,000,000դ
Արա Աբրահամյան-100,000$
Շուշան Ավետիսյան-190,000դ
Անանուն-3,000,000դ
Անանուն-4,000,000դ
«Մոս Ֆիշ» ՍՊԸ-1,000,000դ
Անանուն-15,000,000դ
Անանուն-8,000,000դ
Անանուն-4,000,000դ
Անժել Հարությունյան-48,000,000դ
Անանուն-3,000դ
Անանուն-6,000,000դ
Անանուն-20,000,000դ
Աննա Դրոնովա-9,802₽
Անանուն-10,000,000դ
Վարդան Ավագյան-10,000դ
Ալեքսանդր Արզումանյան-1,983€
Հայկ Ղալումյան-30,000դ
Վահագն Թևոսյան-100,000դ:
Հ.Գ. Հրապարակումից մի քանի ժամ հետո Azdarar.am-ում համակարգում մարտի 25-ի ամսաթվով հրապարակվել է հաշվետվությունը։
Հարակից հրապարակումներ`
- «Իմ քայլը» հիմնադրամի հաշվետվությունը, ըստ օրենքի, պետք է հրապարակվի azdarar.am հասցեում
- Աննա Հակոբյանը մանրամասնեց՝ Բրյուսել մեկնել է իր ամուսնու հետ ինքնաթիռում շփվելու համար
- Աննա Հակոբյան. Բրյուսելի փողոցում քայլելիս ես ու Մարիամը դեմ դիմաց հանդիպեցինք Բելգիա ժամանած լրագրողների խմբին
- «Իմ քայլը» հիմնադրամը նվիրատվությունների մասին հարցերն անպատասխան է թողնում
- ՍԱՍ սուպերմարկետում դրամարկղի մոտ կախել են Աննա Հակոբյանի հիմնադրամի արկղիկները
- Աննա Հակոբյանը՝ լրագրողներին. Չարժե մեր լրահոսի թոփ թեմային հավակնող «մատերիալը» թողնել անհատ քաղաքացիների հույսին
- Աննա Հակոբյանը եղել է Դավոսում, բայց չի մասնակցել տնտեսական ֆորումին
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը