World Press Photo. Հայտնի է 2019-ի լավագույն լուսանկարն ու նրա պատմությունը
World Press Photo միջազգային մրցույթի արդյունքներով տարվա նկար է ճանաչվել Ջոն Մուրի լուսանկարը, որում պատկերված է ԱՄՆ-Մեքսիկա սահմանին լացող երեխա։ Հաղթողը հայտնի է դարձել Ամստերդամում նախօրեին տեղի ունեցած միջոցառման ժամանակ։ Տեղեկանում ենք The Guardian-ից։
Նշվում է, որ նկարում Հոնդուրասից Յանելան է, կադրը ֆիքսվել է երբ նրա մորը՝ Սանդրա Սանչեսին խուզարկում են սահմանապահները։
Սանչեսի խոսքերով, նա մեկ ամիս անցել է Կենտրոնական Ամերիկայի ու Մեքսիկայի բոլոր շրջաններով, որ կարողանար հասնել ԱՄՆ, որպեսզի ապաստան հայցեր։ Սակայն այդ ժամանակ ԱՄՆ նախագահ Թրամփը հայտարարել էր «զրո հանդուրժողականության» քաղաքականություն, որի համաձայն սահմանին կալանավորված միգրանտները կարող էին քրեական հետապնդման ենթարկվել։ Արդյունքում շատ ձերբակալված ծնողներ բաժանվեցին իրենց երեխաներից ու ուղարկվեցին տարբեր կալանավայրեր։
Այն ժամանակ, երբ այս նկարը տարածվեց ողջ աշխարհով, ԱՄՆ սահմանապահները հայտարարեցին, որ Յանելան ու մայրը չեն գտնվում առանձնացված ընտանիքների մեջ։ Թրամփի այս որոշման դեմ հանրային բողոքները հանգեցրեց նրան, որ 2018թ.-ի հունիսին Թրամփը չեղարկեց որոշումը։
Տղամարդը փորձում է պահել ԶԼՄ-ներին՝ Թուրքիայում Սաուդյան Արաբիայի հյուպատոսության առաջ՝ Ջամալ Խաշոգջիի անհետացման ժամանակ։
Դեպի ԱՄՆ շարժվող միգրանտների քարավանը
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան