Նիկոլ Փաշինյանն այնքան սիրեց սուպերվարչապետական համակարգը, որ առավոտից երեկո լծվել էր դրա արդարացմանը. Սամսոնյան
Ազգային ժողովում քննարկվում է «Կառավարության կառուցվածքի և գործունեության մասին» ՀՀ օրենքում փոփոխություններ և լրացումներ կատարելու մասին» և հարակից օրենքներում փոփոխություններ կատարելու մասին նախագիծը։
«Լուսավոր Հայաստան» խմբակցության պատգամավոր Անի Սամսոնյանն ասաց, որ վարչապետ Նիկոլ Փաշինյանն այնքան սիրեց սուպերվարչապետական համակարգը, որ առավոտից երեկո ստիպված լծվել էր դրա արդարացմանը, դրա գոյությունը փրկելու գործին։
Պատգամավորն անդադարձավ նաև առհասարակ իշխանության կողմից ընդդիմության առաջարկների ընդունմանը։
«Ձեր ինտուիցիան կարծես այս հարցում ևս լավ չի աշխատում, և գոնե մշակույթի և գյուղատնտեսության նախարարությունները պահպանելու առաջարկի մասով այն շատ վատ է աշխատել։ Դուք խորապես մտածելու բան ունեք, հարգելի իմ խորհրդարանական հանրապետության խորհրդարանական գործընկերներ՝ սուպերվարչապետական համակարգում»,- ասաց Սամսոնյանը։
«Բարգավաճ Հայաստան» կուսկացության պատգամավոր Նաիրա Զոհրաբյանն էլ հայտնեց, որ ինչպես առաջին, այնպես էլ երկրորդ ընթերցման ժամանակ իրենք դեմ են քվեարկելու այն նախագծին։
«Սուպերնախարարությունների այս մոդելը տապալվելու է միանշանակ, որպեսզի հետո մենք՝ ձեզ հետ միասին, ահա այս դպրոցականներին (ցույց տվեց բաց դռների շրջանակում ԱԺ այցելցած դպրոցականներին) հաշվետվություն տանք, թե ինչու ուզում էինք լավ, բայց ստացվեց ինչպես միշտ։ Ես չեմ հավատում մեր կառավարությունում բոնապարտների գոյությանը, որոնք կարող են այդպիսի ունակություններ ունենալ՝ համակարգելու նման մոնստեր կառույցներ»,- նշեց Զոհրաբյանը։
ԼՀԿ պատգամավոր Արման Բաբաջանյանն էլ իր ելույթում նշեց, որ փոփոխությունների արդյունավետությունը հիմավորող կամ փաստարկող որևէ դրույթ չկա։
«Այս նախագիծը չենք կարող բարեփոխում համարել նաև այն պատճառով, որ առանց երկրի զարգացման ռազմավարական ծրագրերի հնարավոր չէ ստեղծել արդյունավետ կառավարման համակարգ»,- հավելեց նա։
Հարակից հրապարակումներ`
- ԱԺ-ն ընդունեց Կառավարության կառուցվածքի փոփոխության նախագիծը
- Դե եկեք երեք նախարարություն թողնենք՝ ծախսերի, ձեռքբերումների, մյուսն էլ՝ «դուխով առաջ գնալու». Գևորգ Պետրոսյան
- «Լուսավոր Հայաստանի»՝ կառավարության կառուցվածքի տարբերակը
- E-draft-ում Կառավարության կառուցվածքի մասին նախագիծը համարում են անհեռանկար և կործանարար
- Այսօր գործնականում կամփոփենք կառավարության կառուցվածքի նախագիծը. վարչապետ
Լրահոս
Տեսանյութեր
Հայաստանում փոքրահասակ բնակչության շրջանում բավականին տարածված է գժախոտով թունավորումը. Ռ. Աբովյան