Աննա Հակոբյան. Գումարի ծագումն անձնապես ինձ համար կապ չունի
«Պետք է ի վերջո ազատվենք այդ համեմատականից, նախկինում տեղի ուենցած երևույթները ներկա իշխանությունների և ներկա հարաբերությունների վրա պրոյեկտելու ցանկությունից։ Դրանով կխնայենք մեր ժամանակը, ռեսուրսը, որովհետև համարում եմ կատարյալ անիմաստ զբաղմունք, անտեղի ռեսուրսի վատնում»,- լրագրողների հետ հանդիպմանն ասաց «Իմ քայլը» և «City of smile ժպիտների քաղաք» հիմնադրամիների հոգաբարձուների խորհրդի նախագահ, ՀՀ վարչապետի տիկին Աննա Հակոբյանը՝ պատասխանելով լրագրողի հարցին։
Լրագրողը, մասնավորապես, հարցրեց. «Ձեր հիմնադրամի մի քանի նվիրատուներ, մասնավորապես Արտակ Սարգսյանը, Սամվել Ալեքսանյանը, նախկինում երբ նրանք բարեգործական նպատակով որևէ հիմնադրամի նվիրատվություն էին կատարվում, վարչապետ Նիկոլ Փաշինյանի կողմից, այն ժամանակ որպես ընդդիմադիր գործիչ, քննադատավում էին, նշելով որ այդկերպ այդ օլիգարխները ցանկանում են հաճոյանալ իշխանություններին, օգտվել արտոնություններցի։ Այսօր այդ նույն մարդիկ նվիրատվություն են կատարում ձեր հիմնադրամներին, ինչպե՞ս եք մեկնաբանում, արդյո՞ք նույն նպատակը չեն հետապնդում, արդյո՞ք նրանք այսօր նույնպես օլիգարխ չեն»։
Աննա Հակոբյանն ընդգծեց. «Չկա այդպիս բան, չկա ու չի կարող լինել։ Մեր երկու հիմնադրամներին նվիրատվություն անել ազատ են բոլորը։ Մենք բոլորին ենք կոչ անում նվիրատվություն անել, բոլորին ենք համագործակցության ձեռք մեկնում, որովհետև հավատում ենք մեր ծրագրերին, հավանում ենք մենք ծրագրերը, ինչ անում ենք, անում ենք ի նպաստ մարդկանց, Հայաստանի, դրա համար մեզ համար նվիրատուների միջև ընտրություն չկա»։
Նա նշեց, որ նախկինում հիմնադրամին նվիրատվություն անելը եղել է մոնոպոլիա. «Ոչ բոլորն են իրավունք և հնարավորություն ունեցել պետության ղեկավարի տիկնոջ ղեկավարած հիմնադրամին նվիրատվություն անել։ Մենք առաջին օրվանից ասել ենք, որ չունենք նման բարդույթ ոչ նախկին մարդկանց, ոչ ներկա, ոչ ապագա, մենք բոլորին ներկայացնում ենք մեր արած, անելիք աշխատանքը, մեր նպատակները»։
Ա. Հակոբյանի խոսքով, իրենց հիմնադրամներով ուզում են նոր մշակույթ բերել այս որտում, մշակույթ, որ Հայաստանում դեռևս չի եղել։
Հարցին, թե ձեր համար գումարի ծագումը նշանակություն ունի՞, այսինքն չի բացառվում չէ, որ, օրինակ այդ գումարները պետբյուջեից գողացված միջոցներ են, նա պատասխանեց. «Եթե պետբյուջեից գողացված միջոցներ են, ավելի լավ, եթե փոխանցվում են և ծառայեցվում են պետությանը և պետության քաղաքացիներին։ Գումարի ծագումն անձնապես ինձ համար կապ չունի, որովհետև մտածում եմ, երբ որ գումարը մեզ հասավ, կապ չունի՝ ինչ ձևով էր հասել նրա ձեռքը, ով մեզ է փոխանցում, մենք միևնույն է ծառայեցնելու ենք ամենաբարի, ամենաճիշտ, ամենաօգտակար նպատակներին։ Այդ գումարը, եթե որևէ ձևով հասել է ինչ-որ մեկին, եթե մնա իր մոտ, ավելի օգտակար չի լինի, քան եթե հասնի մեզ»։
Նա նշեց, որ կան բանկային հարաբերություններ՝ Կենտրոնական բանկը, բանկերը ստուգում են այլ երկրներից փոխանցվող գումարի ծագումը, ինչին իրենք ենթարկվում են. «Եթե կասկածելի ծագում է կամ բանկը թույլ չի տալիս, մենք այդ դեպքում անելիք չունենք»։ Ա. Հակոբյանն ասաց, որ հիմնադրամների ստեղծումից ի վեր փոքրիկ այդպիսի դեպք է գրանցվել, փոխանցումը կասկածելի է եղել, փոխանցման հետ կապված խնդիր է առաջացել։
Հիշեցնենք, որ Աննա Հակոբյանի գլխավորությամբ ապրիլի սկզբին կայացել էր հիմնադրամների ղեկավարների՝ ԱՄՆ երկուշաբաթյա այցը։
Ասուլիսին ներկա «Իմ քայլը» հիմնադրամի գործադիր տնօրեն Հովհաննես Ղազարյանը հայտնեց, որ ԱՄՆ այցի արդյունքում հավաքագրել է 1 միլիոն 60 հազար դոլար, որից 500 հազարը կստանա այն պարագայում, երբ ծրագրեր 6 ամսվա ընթացքում հավուր պատշաճի իրականացվի։ Այս պայմանը դրվել է «Մանուկյան Սիմոն» հիմնադրամի կողմից դրված պայմանի։
«City of smile ժպիտների քաղաք» հիմնադրամի գործադիր տնօրեն Էսթեր Դեմիրճյանի ներկայացմամբ, «City of smile ժպիտների քաղաք»-ը ԱՄՆ այցի արդյունքում հավաքագրել է մոտ 600 հազար դոլարի կարգի գումար, որը դեռ ակնկալում են, քանի որ գումարները հավաքագրելու և փոխանցելու հետ կապված պրոցեսներ կան։
«Կարծում եմ՝ մոտ ժամանակներս պետք է, որ ստանանք այդ գումարները»,- ասաց նա։
Էսթեր Դեմիրճյանի խոսքով, ԱՄՆ այցի ընթացքում ուեցել են մի շարք հանդիպումներ տարբեր կազմակերպությունների հետ, ունեն նախնական պայմանավորվածություններ հետագայում դեղարայքի կամ սարքավորումների աջակցության տարբերակով։ Նա տեղեկացրեց, որ այսօրվա դրությամբ 150 երեխայի և երիտասարդի է աջակցել «City of smile ժպիտների քաղաք» հիմնադրամը, սակայն, այդ թիվն ամեն օր աճում է, հերթագրման խնդիր չունեն, քանի որ որևէ մեկին չեն մերժում, նրանք, ովքեր համապատասխանում են իրենցպահանջներին՝ 0-25 տարեկան քաղցկեղով կամ արյուն հիվանդությամբ քաղաքացիները, գրանցվում են հիմնադրամի կողմից, որն էլ հոգում է նրանց բուժման հետ կապված ծախսերը։ Էսթեր Դեմիրճյանն ասաց, որ մինչև օրս մոտ 120 միլիոն դրամի կարգի գումար է հատկացվել այդ ծախսերի համար։
Հարակից հրապարակումներ`
- Աննա Հակոբյանն այցելել է ուռուցքաբանության կլինիկայում բուժում ստացող մանուկներին
- ՍԱՍ սուպերմարկետում դրամարկղի մոտ կախել են Աննա Հակոբյանի հիմնադրամի արկղիկները
- Աննա Հակոբյան. Մտածելու տեղիք է տալիս, թե ինչու այսօր մարդիկ իրար նույն կերպ օգնության ձեռք չեն մեկնում
- Աննա Հակոբյանի նախաձեռնությամբ քննարկվել են քաղցկեղով հիվանդ երեխաների բուժումը կազմակերպելու հարցերը