ԵԽԽՎ պատգամավորները կոչ են անում Հայաստանի իշխանություններին պաշտպանել սեռական փոքրամասնություններին
ԵԽԽՎ 29 պատգամավոր տարածել են «Հայաստանի իշխանությունները պետք է գործողություններ ձեռնարկեն ԼԳԲՏԻ անձանց բռնությունից և խտրականությունից պաշտպանելու համար» վերնագրով գրավոր հայտարարություն։
Հղում անելով ԵԽ մարդու իրավունքների հանձնակատարի զեկույցին՝ նշվում է, որ Հայաստանում ԼԳԲՏԻ անձանց վիճակն ամենավատթարներից է Եվրոպայում։ Որպես իրավիճակի ծանրության ցուցիչ առանձնացվում է անցած տարվա նոյեմբերին Երևանում ԼԳԲՏԻ համաժողովի չեղարկումը՝ մահվան սպառնալիքների ու անվտանգության պատճառով։
Ընդգծելով, որ իշխանությունները քայլեր չեն ձեռնարկում այս մտահոգությունները շտկելու համար, և որ խտրականության դեմ գործող ու պատրաստվող օրենսդրությունը չի անդրադառնում սեռական կողմնորշման կամ գենդերային ինքնության խնդրին՝ պատգամավորները «կոչ են անում Հայաստանի իշխանություններին ձեռնարկել բոլոր անհրաժեշտ միջոցառումներն ապահովելու ԼԳԲՏԻ անձանց անվտանգությունն ու ազատությունը՝ խտրականությունից»։
Դրանք պետք է ներառեն հանրային դատապարտում, օրենսդրության փոփոխություն և իրավապահ մարմինների վերապատրաստում։
Հայտարարությունը ստորագրել են պատգամավորներ Բելգիայից, Գերմանիայից, Իսլանդիայից, Ավստրիայից, Ֆրանսիայից, Նիդերլանդներից, Կիպրոսից, Շվեյցարիայից, Ռումինիայից։
Նշենք, որ գրավոր հայտարարությունը չի համարվում ԵԽԽՎ պաշտոնական փաստաթուղթ։ Նրա պատասխանատուն միայն ստորագրողներն են։
Վերջին օրերին սոցցանցերում բուռն քննարկվում էր հանկարծակի շատացած հրապարակումները՝ բռնությունների մասին։ Ընդունելով, որ բռնություն, ինչպես բոլոր երկրներում, Հայաստանում կա, այնուամենայնիվ, հասարակության մի ստվար զանգված գրում էր, որ չի հասկանում, թե ինչու բռնությունների թեման այսպես՝ առանձնահտուկ զարգացավ։ Հետևություն էին անում, որ պատճառը Ստամբուլյան կոնվեցիան է, որ հրապարակումներին հաջորդելու են բռնությունների դեմ պայքարի ծրագրեր, որոնց հետ էլ «սղղացնելու» են «փոքրամասնությունների» թեման։
Ինչպես տեսնում եք՝ այդպես էլ եղավ։
Այնուամենայնիվ՝ ժողովուրդն իմաստուն է։ Ափսոս՝ համարյա ետին թվով։
Հարակից հրապարակումներ`
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը