Կարգալույծ եկեղեցականները փորձել են Գեղարդում ծիսակատարություն իրականացնել
Գեղարդի վանքում մեկ շաբաթ առաջ ուշագրավ դեպք է տեղի ունեցել։ Կարգալույծ երկու եկեղեցականներ՝ 4-5 անձանց ուղեկցությամբ փորձել են եկեղեցական ծիսակատարություն անցկացնել։
Panorama.am-ին ոստիկանության հասարակայնության հետ կապերի և լրատվության վարչությունից հայտնեցին, որ սեպտեմբերի 23-ին ժամը 18։40-ին ոստիկանության Կոտայքի բաժնում մի եկեղեցականից հաղորդում է ստացվել, որ սեպտեմբերի 19-ին ժամը 15։00-ի սահմաններում Սուրբ Գեղարդավանք են եկել կարգալույծ արված նախկին եկեղեցականներ։ Նրանք կրել են եկեղեցական սքեմ, որի իրավունքը չեն ունեցել, ցանկացել են իրականացնել ծիսակատարություն, որի արտոնությունից նույնպես զրկված են եղել եկեղեցական կանոնակարգով։
Նրանց կոչ է արվել, որ նման բան չանեն, քանի որ ծիսակատարության իրականացումը վերապահված է միայն եկեղեցականին։
«Վերջիններս դրանից հետո դրսևորել են բացահայտ անհարգալից վերաբերմունք եկեղեցու և եկեղեցուն ծառայող անձանց հանդեպ, ագրեսիվ վարքագիծ՝ փորձելով հրահրել բախում, խախտելով եկեղեցու հասարակական կարգն ու կանոնը։ Հանգամանքները պարզվում են, նյութեր են նախապատրաստվում են»,-ասացին ոստիկանությունից։
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան