«Աշոտ ջան, միշտ հիշիր․ ոչ մի լավ գործ անպատիժ չի մնում». աղբահանության հիմնարկի պետի ազատման մասին
Աշոտ Ասատրյանն ազատվել է "Երևանի աղբահանություն և սանիտարական մաքրում" հիմնարկի աղբահանության բաժնի պետի պաշտոնից: Այդ ասին նա տեղեկացնում է ֆեյսբուքյան գրառման միջոցով.
«Ահա և վերջ: Ավարտվեց իմ առաքելությունը աղբահանության հիմնարկում, քանի որ ինչը ունի սկիզբ պետք է ունենա նաև ավարտ:
Առաջին հերթին ցանկանում եմ շնորհակալություն հայտնել քաղաքապետ Hayk Marutyanին, Երևանը խոլեռայից փրկելու համար համայնքային հիմնարկը ստեղծելու և այդ դժվարին օրերին աղբահանության կառավարման և համակարգման բաժնի պետի պաշտոնը ինձ վստահելու համար:
Շնորհակալություն եմ ցանկանում հայտնել բոլոր բանվորներին, վարորդներին, գծային պատասխանատուներին, ադմինիստրացիայի աշխատակիցներին օր ու գիշեր խիստ ռեժիմով աշխատելու, իրար հարգելու ու իրար օգնելու համար: Իրար հետ աշխատած այս մի քանի կարճ ամիսները ոչ մեկս չենք մոռանա, քանի որ օրվա ընթացքում ավելի շատ իրար հետ ենք աշխատել, քան մեր ընտանիքի անդամներին ենք տեսել:
Հիմա քաղաքը բավականաչափ մաքուր է, հիմնարկն էլ իմ կարիքը այլևս չունի հաջողություն եմ մաղթում հիմնարկին ու ցանկանում եմ հետագայում ևս նույն եռանդով աշխատեն»,-գրել է Ասատրյանը:
Ավելի ուշ Դավիթ Ալավերդյանն անդրադառնալով Ասատրյանի պաշտոնից ազատելուն, գրել է.
«Իմ վաղեմի բարեկամ Աշոտ Ասատրյանին այսօր ազատել են «Երևանի աղբահանություն և սանիտարական մաքրում» հիմնարկի աղբահանության բաժնի պետի պաշտոնից։ Եթե չեք ճանաչում, ասեմ, որ հենց նա և իր ենթակաները վերջերս փրկեցին Երևանը ժանտախտից։ Այդ մասին երբեք չեմ գրել, բայց Աշոտը և նրա երիտասարդ ընտանիքը մի քանի ծանր ամիսներ են անցկացրել՝ գրեթե զրկված իրար տեսնելու հնարավորությունից։ Այդ ամբողջ ընթացքում նա Երևանի փողոցներում էր։ Աշոտ ջան, միշտ հիշիր․ ոչ մի լավ գործ անպատիժ չի մնում»,- գրել է Ալավերդյանն՝ իր ֆեյսբուքյան էջում։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին