Ուկրաինայի նախագահի ներկա երկու խնդիրները
Ստացվել է այնպես, որ Ուկրաինայի նախագահը հայտնվել է ամերիկյան քաղաքական բեմահարթակում: Վերջերս չի լինում որևէ օր, երբ նրան չեն հարցնում, թե արդյոք ԱՄՆ-ի նախագահ Թրամփն իրեն չի ենթարկել շանտաժի, երբ հուլիսի 25-ի հեռախոսային զրույցի ժամանակ խոսում էին Ուկրանիային ամերիկյան ռազմական օժանդակություն հատկացնելու և Թրամփի քաղաքական մրցակից Ջո Բայդընի որդու բիզնես գործունեությունն Ուկրաինայում հետաքննելու հարցերի շուրջ: Այս մասին գրում է Ամերիկայի Ձայնը։
«Ուկրաինայի համար նախատեսված օժանդակությունը կասեցվել էր ավելի վաղ: Մեր պաշտպանության նախարարն ինձ տեղեկացրել էր, որ դրամական փոխանցումը կասեցված է։ Այսինքն չկա որևէ շանտաժ, քանի որ դա չի եղել մեր խոսակցության թեման», -ասում է Ուկրաինայի նախագահ Վոլոդիմիր Զելենսկին ու ավելացնում, որ Թրամփի հետ այս հարցի շուրջ իրենք չեն խոսել:
Զելենսկին Ուկրաինայի նախագահի պաշտոնում ընտրվեց ապրիլ ամսին` կոռուպցիան արմատախիլ անելու խոստումների հիման վրա: Այժմ նա կանգնել է մի իրավիճակի առջև, որտեղ սուր քննադատության է արժանանում այս հարցում իր վարած քաղաքականությունը:
Ուկրաինայում շատերն են ընդունում Զելենսկիի բացատրությունները, սակայն այլոց մոտ առկա է զայրույթը:
Վերլուծաբան Իլյա Կուսան օրինակ ասում է, թե Ուկրաինան արդեն իսկ լի է խնդիրներով, ու Զելենսկին չպետք է թույլ տար, որ Ուրկրաինան հայտնվեր ամերիկյան ընտրությունների բանավեճերում:
«Սա շատ վտանգավոր իրավիճակ է, քանի որ կարող ենք դառնալ մոլեխաղի խաղաքարտ»,- ասում է նա։
Զելենսկիի մյուս ամենամեծ խնդիրը Ռուսաստանի հետ շարունակվող հակամարտությունն է: Նա կոչ է անում միջազգային խաղաղապահներ մտցնել այստեղ և կողմ է, որ ապստամբների վերահսկողության տակ գտնվող Դոնբասի շրջանոմ անցկացվեն ընտրություններ ու խոստանում քաղաքական ինքնավարություն:
Նա պարբերաբար է կրկնում, որ եթե խոսքը տարածքների ու մարդկանց մասին է, առաջնայինը պետք է համարել մարդկանց:
Սա մեծաթիվ ուկրաինացիների մոտ առաջ է բերում այն մտավախությունը, որ նոր կառավարությունը տեղի է տալիս ռուսական ագրեսիային: Այնպես որ, Ուկրաինայի նախորդ նախագահին դերասանի իր ձիրքով ծաղրող ներկա նախագահը հայտնվել է Արևմուտքի իր ամենամոտ աջակից ԱՄՆ-ի քաղաքական բեմահարթակի վրա, արևելյան հատվածում իր վարած քաղաքականության քննադատության տակ:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ