«Քաղաքական պատճառով լուծարում են Էջմիածնի ՋՕ ընկերության վարչությունը»
էջմիածնի ՋՕ ընկերության վարչությունը լուծարում են։ Խորհրդի 46 անդամները ջրային պետական կոմիտեի այդ որոշումը համարում են հակաօրինական և նշում են, որ որոշման հիմքում ընկած են որոշակի քաղաքական պատճառներ։
«Մեր վարչության նախագահին երեկ նիստի ընթացքում ասել են, որ Էջմիածնի ՋՕ խորհուրդը լուծարված ա։ Բայց լուծարված աշխատող չենք համարում, քանի որ գոյություն ունի ՀՀ ջրային օրենսգիրք, որի տառին համաձայն կարող են մեզ միայն լուծարել»,- նշում են աշխատակիցները։
Նրանց խոսքով, առանց դատական կարգի, իրենց դատում և մեղադրում են թերացումների մեջ, որոնք չշտկելու դեպքում միայն պետք է վարչությունը լուծարեն։
«Եթե խնդիրը մեր տնօրենի հետ ա, թող գան ասեն՝ ձեր տնօրենը չի համապատասխանում Էջմիածնի ՋՕ-ում տնօրեն լինելուն, ինքը կոռուպցիոներ ա, ինքը հիվանդ ա և այլն։ Մենք էլ տեսնեինք՝ իրենց ասածը օրենքին համապատասխանում ա, ճիշտ ա, ասեինք մենք էլ չենք ուզում ստեղ հարամ մարդ աշխատի։ Խորհրդի նպատակը հսկելն ա, որ էստեղ անօրինություն չլինի»,- նշում են խորհրդի անդամները։
Վարչության անդամներից մեկը հակադարձեց, որ իրավունք կա խորհուրդը լուծարելու, բայց կան բազմաթիվ կետեր, որոնցից հետո կարող են միայն դա անել՝ նշելով, որ խորհուրդը իր ֆունկցիաները չի կատարում։
«Բայց վերցվել ա սկիզբը և վերջը, մեջտեղի հատվածը մնացել ա օդի մեջ։ Հիմա ամենքդ էլ ձեր կարծիքը ունեք, ձեր համայնքներն եք ներկայացնում, ու ինչ-որ մեկը, ով բացարձակ էս տարածաշրջանին ծանոթ չի, լսել ա, որ խնդիր կա, որոշել ա 45 գյուղի և Վաղարշապատ քաղաքի ընտրած մարմինը հենց նենց, մի ստորագրությամբ լուծարել։ Ցանկացած մարդ իրեն վիրավորված ա զգում, այսինքն՝ կանգնեն ասեն՝ ընկեր ջան, դու էս խնդիրները չես կարողանում կատարել, ուրեմն դու քո տեղում չես։ Բայց եթե դա չի արվում, ճիշտ չի»,- նշեց վարչության անդամներից մեկը։
Մեկ ամիս առաջ ևս էջմիածնի ՋՕ ընկերության վարչության տնօրենի պաշտոնավարման հարցը բարձրացվել է։ Խորհուրդը քննարկել է վերջինիս աշխատանքը, և հասկացել, որ դրական միտում է գրանցվել և նման խնդիր չկա։
«Հարցը հասել ա նրան, որ մեզ էլ ա էդ հարվածը վերաբերում, որ տնօրենի հետ խորհուրդն էլ կգնա»,- նշեցին աշխատակիցները։
Խորհրդի անդամները պդնում են Ջրակին պետական կոմիտեն 2 ամիս է՝ «ընկել է» էջմիածնի ՋՕ ընկերության տնօրենի՝ Համբարձումյան Սամվելի հետևից։ Վարչական խորհուրդն էլ դեմ է այդ մտքին, քանի որ իրենց խոսքով, վերջինս լավ է աշխատում. «Վարչական խորհուրդը ընտրովի մարմին ա, ներկայացուցիչների ընդհանուր ժողովն ա որոշել, ինքն էլ կարող է մեզ հանել վարչության խորհրդից»։
էջմիածնի ՋՕ ընկերության տնօրեն Սամվել Համբարձումյանը նշում է, որ խորհուրդը շատ լավ է աշխատել, բոլոր հնչեցված հարցերը լուծում են գտել։
«Մեր վարչական խորհրդի և ՋՕ աշխատակիցների հետ միասին բավականին լավ արդյունքների ենք հասել։ Միայն այս տարի Էջմիածին ՋՕ ընկերությունը 150 միլիոն դրամ ավելի հավաքագրում ունի։ ՀՀ-ն ունի 82 հազար հեկտար ոռոգելի տարածք, ուզում եմ հասկանալ, եթե յուրաքանչյուր ընկերություն ամեն հեկտար համար հավաքեր 60 հազար դրամ, ապա մենք կունենայինք 4 մլրդ 800 հազար դրամ գումար։ Էջմիածի ՋՕ ընկերությունը պլանային հեկտարից հավաքագրել ա 61 հազար դրամ»,- նշեց Համբարձումյանը։
Ընկերության վարչության խորհրդի լուծարումը Սամվել Համբարձումյանը ևս կապում է իր անձի հետ։ Նրա խոսքով, օգոստոս ամսին իրեն կանչել են ջրային պետական կոմիտե, և ասել են, որ արդյունքները լավը չեն, և Համբարձումյանը պետք է ազատվի աշխատանքից։
«Մի քանի ամիս հետո ինձ կանչում է կոմիտեի նախագահ պարոն Ղուլյանը, և առաջարկում դիմում գրել և աշխատանքից դուրս գալ։ Բայց ոչ մի հիմնավորում չկա։ Մենք հրավիրեցինք վարչխորհրդի նիստ և ես ԺՊ-ից դարձա գործադիր տնօրեն։ Ինձ Ղուլյանը կրկին կանչեց և ասաց, որ դա քաղաքական որոշում է, մեր քաղաքական թիմի անդամը պիտի աշխատի»,- նշեց Սամվել Համբարձումյանը։
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ