Ոստիկանապետի պաշտոնակատար. Որևէ քաղաքական հետապնդման մասին խոսք լինել չի կարող
«Հայաստանում քաղաքական հետապնդում որևէ մեկի նկատմամբ չի իրականացվում, եթե քաղաքական հետապնդում իրականացվեր, հետևապես այսպես ազատություն՝ թե խոսքի, թե գործելակերպի, թե ամեն ինչի առումով, մենք չէինք ունենա»,- լրագրողերի հետ ճեպազրույցում ասաց ոստիկանապետի պաշտոնակատար Արման Սարգսյանը:
Նրա խոսքով, մարդիկ իրենց իրավունքներն իրացնում են ազատ խոսքի հնարավարության շրջանակներում, սրան անվանում են քաղաքական հետապնդում:
«Որևէ քաղաքական հետապնդման մասին խոսք լինել չի կարող՝ թե այդ չորս անձանց, թե մնացածի առումով»,- նշեց ոստիկանապետի պաշտոնակատարը:
Նշենք, որ «4 անձանց» ասելով Ա. Սարգսյանը նկատի ուներ հունվարի 28-ին բերման ենթարկված «Քաղաքացիական գիտակցություն» ՀԿ նախագահ Նարեկ Սամսոնյանին, ՎԵՏՕ հասարակական շարժման հիմնադիր Նարեկ Մալյանին, «Ադեկվատ» միաբանության անդամներն Արթուր Դանիելյանին ու Կոնստանտին Տեր Նակալյանին:
Խոսելով նրանց բերման ենթրակելու մասին՝ նա նշեց, որ ոստիկանությունն իր լիազորություններ շրջանակում իրականացրել է իր գործառույթները, իրականացվել է օրենքի սահմաններում:
«Ոստիկանությունը հանդիսանալով հետաքննության մարմին՝ իրավասու է ստացված տեղեկությունը ստուգելու նպատալով բերման ենթարկել անձի, ստուգման արդյունքներով ազատ արձակել: Հնարավոր է նույն անձին պարբերաբար բերման ենթարկեն: Նկատի չունեմ այդ չորս անձանց»,- ասաց Ա. Սարգսյանը:
Ոստիկանապետի պաշտոնակատարից լրագրողները հետաքրքրվեցին, թե ինչո՞ւ նրանց բերման ենթարկեցին հատուկ նշանակության վարչության աշխատակիցները, նա պատասխանեց, որովհետև տվյալները ստացվել էին քրեական ոստիկանությունում, իսկ հատուկ նշանակության աշխատակիցները քրեական ոստիկանության գլխավոր վարչության ծառայողներ են:
Այս դեպքերում ծառայողական քննություն նշանակվե՞լ է հարցին ի պատասխան Ա. Սարգսյնն ասաց. «Որտեղ կարիք առաջանում է ծառայողական քննություն իրականացնելու և մեր ոստիկանության ծառայողների գործողությունների իրավաչափությունը ստուգելու, մենք դրա տրամաբանության մեջ նշանակում ենք: Երբ որ առաջանա, մենք կնշանակենք»:
Նշենք, որ Արման Սարգսյանը լրագրողների հարցերին պատասխանեց «Իմ քայլի» պատգամավորների հետ հանդիպումից հետո: Նա ասաց, որ հանդիպմանը քննարկվել են բազմաթիվ հարցեր, խնդիրներ, եղել են նաև սուր հարցեր: Ա. Սարգսյանի խոսքով, հանդիպումների այս ձևաչափը պահպանելու են՝ նկատի ունելով, որ խորհրդարանական երկրում սա հաշվետվողականության մի ձև է:
«Թույլատրելիի սահմաններում եղել եմ թափանցիկ, ներկայացրել եմ թե մեր խնդիրները, թե մեր առաջիկա անելիքները, մասնավորապես նախատեսվող բարեփոխումները»,- ասաց Արման Սարգսյանը:
Հարակից հրապարակումներ`
- Նարեկ Սամսոնյանը դուրս եկավ ոստիկանությունից
- Նարեկ Սամսոնյանին բերման են ենթարկում իր տան մոտից
- Բերման է ենթարկվել Նարեկ Սամսոնյանը
- Արթուր Դանիելյանի ճեպազրույցը՝ իր և Ազատ Ադամյանի ազատ արձակումից հետո
- Մելիք-Շահնազարյան. Լուրեր կան՝ բերման ժամանակ վնասվածք է ստացել Արթուր Դանիելյանը
- Նարեկ Մալյանն ու Կոնստանտին Տեր-Նակալյանն ազատ արձակվեցին
- Ինչպես են բերման ենթարկում Արթուր Դանիելյանին և մյուս ընդդիմադիրներին ուղիղ եթերում
- Արթուր Դանիելյանին ևս ոստիկանները տարան
- Ոստիկանությունը հաստատեց. Նարեկ Մալյանին բերման են ենթարկել
- Փաստաբան. Նարեկ Մալյանի հետ կապված էժան շոուն ինչ-որ մեկին պետք է
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը