Սեպա-ն վերցրած պարտականություն է
Նախատեսվում է ստեղծել ՀՀ-ԵՄ երկկողմ պլատֆորմ, որտեղ Հայաստանի քաղհասարակության կողմից ներկայացված է լինելու 4 ներկայացուցիչ և 3-ական ներկայացուցիչներ էլ արհմիություններից և գործատուների միությունից։
Եվրոպական ինտեգրման հարցերի մշտական հանձնաժողովի արտահերթ նիստում հստակեցվեց, որ ստեղծվող պլատֆորմում քաղաքացիական հասարակության ներկայացուցիչները պետք է լինեն գրանցված ՀԿ-ներից։
Ըստ «Սեպայի» համաձայնագրի՝ պլատֆորմի ստեղծման պայմաններից է, որ այն պետք է կազմված լինի 2 սուբյեկտներից ՝ Եվրապայի կողմից «Եվրոպական սոցիալական-տնտեսական կոմիտեից» և Հայաստանից կոմղից «Քաղաքացիական հասարակության ֆորումից», բայց նաև նշված է, որ այլ սուբյեկտներ ևս պետք է ներառվեն։
«Իմ քայլը» խմբակցության պատգամավոր Վիկտոր Ենգիբարյանի խոսքով, տարբեր ՀԿ-ների մուտքը ստեղծվող պլատֆորմ, պետք է խրախուսվի։
«Բաց հասարակության հիմնադրամների» տնօրեն Լարիսա Մինասյանը առաջարկեց, որ քաղհասարակության որոշումը՝ ինչպես կատարել ընտրություն և ում ընտրել, լինի Արևելյան գործընկերության և «Գործընկերություն հանուն բաց հասարակության» պլատֆորմների միջև։
«Նաև նշված է, որ ձևավորվելիք պլատֆարմը պետք է ներառի շատ ավելի լայն քաղհասարակություն, գրանցված ՀԿ-ներ։ Հետագայում չեմ կարող ասել ինչու, թե նախորդ եվրաինտեգրման պրեցեսների մշտադիտարկմանը, թե նաև «Սեպայի» դեպքում, «Գործընկերություն հանուն բաց հասարակության» ՀԿ-ն հրավիրվել է։ Եվ առաջարկությունն այն է, որ քաղհասարակության որոշումը՝ ինչպես կատարել ընտրություն և ում ընտրել, լինի Արևելյան գործընկերության և «Գործընկերություն հանուն բաց հասարակության» պլատֆորմների միջև։ Դա չի նշանակում, որ նոր պլատֆորմի անդամները պետք է լինեն միայն մեր ՀԿ-ից, մեր գործը միայն կոորդինացիան է»,- նշեց Մինասյանը։
«Իրավաբանների հայկական ասոցիացիայի» նախագահ Կարեն Զադոյանը նշեց, որ «Սեպայի» համաձայնագրի 366 հոդվածում հստակ նշված է ԱլԳ քաղաքացիական հասարակության հայաստանյան պլատֆորմի անունը, որպես դերակատարներից մեկ և նշված է ՔՀԿ-նեի ցանցերի և հարթակների մասին. «Այսինքն՝ մնացածի մասին նշվում է, որ ենթադրվում է սա պետք է լինի ներառական և համերաշխ գործընթաց, այլ ոչ թե մրցակցային»։
«Խաղաղություն, երկխոսություն» ՀԿ ղեկավար Էդգար Խաչատրյանը նշեց, որ կարևոր չէ, թե որ ՀԿ-ն նախկինում ինչ ներդրում է ունեցել, այլ կարևոր է, թե ինչպես է ձևավորվելիք պլատֆորմը օգնելու «Սեպայի» համաձայնագրի կայացմանը։
«Հիմա մեր առաջնային խնդիրն է ձևավորել ուժեղ ինստիտուտ, որը հնարավորություն կտա մեր երկրի կողմից վերցված պարտականությունները իրականացնելու»,- նշեց Խաչատրյանը։
Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցն իր խոսքում հորդորեց, որ թե՛ կառավարությունը, թե՛ ԱԺ-ը ամեն ջանք պետք է գործադրեն «Սեպայի» մասին հանրային իրազեկությունը բարձրացնելու համար։
«Սա վերցված պարտավորություն է, որն ունելալով նախորդ տխուր օրինակը, որ փողը վերցնում էին ու գործողություն չէին կատարում, կարծում եմ բովանդակային ապահովման տեսակետից պետքէ իրազեկումներ կատարվեն։ Մենք ակնկալում ենք ԱԺ պատգամավորների, իշխանության և կառավարության ջանքերը՝ սկզբունքային դիրքորոշումներ արտահայտելու, «Սեպայով» արձանագրված բովանդակային նշանակության խնդիրների լուծման ուղղությամբ՝ հանրային հարթակներում»,- նշեց Սաքունցը։
Նշենք, որ դեռևս հստակ չէ մասնակից ՀԿ-ների թիվը, չկան նաև հստակ չափորոշիչներ։
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը