Ձեր վստահելի աղբյուրը

«Նաիրիտ»-ի աշխատակիցները բողոքի ակցիա են իրականացնում կառավարության շենքի դիմաց՝ պահանջելով վերագործարկել գործարանը։

«Նաիրիտ»-ի նախկին աշխատակիցներից մեկը նշում է, որ շուրջ մեկ և կես տարի առաջ հանդիպում են ունեցել ՀՀ նախագահի հետ։ Նախագահը աշխատակիցներից տեղեկանք է ուզել, թե ինչն է եղել պատճառը, որ գործարանն այժմ այս վիճակում է։

«Նախագահին ներկայացված տեղեկանքի հիման վրա 2018 թվականի հունիս ամսին  հարուցվել է քրեական գործ։ Եվ քրեական գործի հետ կապված մեր հարցմանն ի պատասխան նշել են, որ փաստաթուղթը 2018 թվականից ուղարկվել ա փորձաքննության, սակայն առ այսօր պատասխանը չի եկել։ Այսինքն՝ նմանատիպ աշխատանքի ոճով քրգործը կսառեցվի, կվերացվի»,- նշեց գործարանի նախկին աշխատակիցը։

Ըստ գործարանի նախկին աշխատակցի, այն փաստերը, որ իրենք ներկայացրել են, ամբողջությամբ հիմնավորված են։ Թե ինչ փորձաքննություն ա նշանակվել , ինչ են փորձաքննությամբ ապացուցելու, աշխատակիցը չգիտի։

Կառավարությունը գործարանի հետ կապված նախատեսում է ռեալ քայլեր անել. «Իրանը բավականին հետաքրքրված է «Նաիրիտ» գործարանով, սրանից մեկ շավաթ առաջ նրանք եղել են գործարանում, ու նախատեսված է, որ իրանական ընկերությունը պետք է գործարանում տեխնիկական և ֆինանսական աուդիտ կատարի։ Մենք միշտ պահանջել ենք «Նաիրիտի» վերագործարկումը, և գործարաում այժմ կատարվում են դեպքեր, որ հնարավոր է, խանգարեն էս ներդրումային ծրագրին՝ իրանական կողմի հետ բանակցություններում»։

Գործարանի նախկին աշխատակիցը մանրամասնում է՝ խոսքը գործարանի աշխատակիցների պայաքարի և իրենց չստացված աշխատավարձերի տոկոսների հարցով Եվրադատարան հասնելու մասին է։

«Այսօր սնանկության կառավարչի նախաձեռնությամբ գործարանի աշխատակիցները դիմում են գրել, ըստ որի՝ պայմանավորվախություն է ձեռք բերվել, որ աշխատողների չստացված աշխատավարձերի տոկոսները՝ որպես պարտավորություն, ներգրավվելու են պահանջի մասով սնանկության գործընթացի մեջ։ Այսինքն՝ այն պարտքերը, որ մինչև այսօր ձևավորված են, դրանց ավելանալու են այլ պարտքեր, որն իմ հաշվարկով կլինի մոտ 2-3 մլն դոլար գումար»,- նշեց գործարանի նախկին աշխատակիչը։

Սակայն, կառավարության ու «Նաիրիտ» գործարանի աշխատակիցների միջև կա կնքված փաստաթղթ, որով «Նաիրիտը» պետք է որպես մեկ միավոր վաճառվի՝ միայն վերագործարկման համար։  Իսկ սնանկության կառավարչին դա ձեռք չի տալիս, նրան ձեռնտու է, որ գործարանը մաս-մաս վաճառվի, որ ինքը կարողանար իր օրինական ստացվող շահույթը ստանալ։

«Որովհետև պարզ է, որ սնանկության կառավարիչը վաճառքից ստանում ա իր տոկոսը։ Իսկ եթե ինքը կարողանում ա 1000 մարդ  հավաքել իր կողքը, վաղը կառավարությանը կասի, որ մարդիկ իրենց փողն են ուզում, պետք է թույլ տաք, որ էս գործարանը մաս-մաս վաճառեմ, փողը տամ»,- նշեց աշխատակիցը։

Այս դեպքում, գործարանի նախկին աշխատակցի համոզմամբ,  սնանկության կառավարիչը պետք է իր շուրջ հավաքված «Նաիրիտի» նախկին աշխատակիցներին ասի, որ կառավարությունը թույլ չի տալիս գործարանը մաս-մաս վաճառել, նրանք էլ պիտի գան կառավարության դիմաց՝ բողոքի ցույց անելու։

«Եթե դա կատարվեց, ուրեմն սնանկության կառավարիչը աշխատողների գումարը չի կարողանա տալ, ինքը պետք է նշի չկարողանալու պատճառը, դա էլ նշանակում է, որ ավելի շատ մարդիկ կհավաքվեն ու կբողոքեն, որ ոչ թե գործարանը վերագործարկվի, այլ, որ իրենց աշխատավարձերը տան»։

Նշենք, որ գործարանի տեխնիկական հագեցվածությունը պահպանվել է, մեկ տարի առաջ գործարանում տեխնիկական աուդիտ է իրականացվել, և հաշվարկներով, մոտ 120 միլիոնը բավարար էր, որպեսզի գործարանն ամբողջությամբ աշխատեր։

«Այն տարեկան կարող է տալ 25 հազար տոննա կաուչուկ, մոտ 100 միլիոն դոլարի, որից 20 միլիոն դոլարտ տարեկան եկամուտ կարող է լինել»,- նշեց նախկին աշխատակիցը։

Նաիրիտի նախկին աշխատակիցները նշում են՝ այժմ իրենց հիմնական մտավախությունն այն է, որ իրենց խոսքով, սնանկության կառավարչի կողմ անցած 1000 նաիրիտցիները, կառավարությունից կպահանջեն իրենց պարտքերը, ինչն էլ հնարավորություն կտա գործարանը մաս-մաս վաճառելու, և այլևս այնտեղ ներդրում չի արվի, գործարանն էլ չի վերագործարկվի։