Ձեր վստահելի աղբյուրը

Իտալիայում կորոնավիրուսից ավելի շատ մարդ է մահացել, քան Չինաստանում կամ որևէ այլ երկրում: Իտալիայում զոհերի ընդհանուր թիվը օրվա ընթացքում աճել է 427-ով և հասել 3405-ի:
Չինաստանում, որտեղ առաջին անգամ հայտնվեց վիրուսը, ըստ պաշտոնական տվյալների, մահացավ 3,245 մարդ՝ չնայած մասնագետները դեռ կասկածներ ունեն չինական տվյալների հուսալիության վերաբերյալ: Այս մասին գրում է BBC-ն։

Եվրոպական երկրները քննարկում են կարանտինային միջոցառումների երկարացման հարցը՝ կանխելու կորոնավիրուսի տարածումը: Աշխարհում կորոնավիրուսով վարակվածների թիվը հասել է մոտ 250 հազարի և մահացել  10 հազարից ավել մարդ։

Իտալիայում պարտադիր 14-օրյա կարանտին սկսվեց մարտի 12-ին, բայց իշխանությունները որոշեցին այն երկարաձգել մարտի 25-ից հետո: Գրեթե բոլոր իտալացիներին կարգադրված է մնալ տանը:

15-օրյա կարանտինի հնարավոր երկարացման մասին հայտարարվել է նաև Ֆրանսիայի կողմից:

Հինգշաբթի Բրիտանիայի վարչապետ Բորիս Ջոնսոնը հայտարարել է, որ մինչև հունիսի վերջ համաճարակը կարող է նվազել, բայց երաշխիքներ չկան:

Եվրոպական առաջնորդները դեռ չեն ասում, թե երբ կթուլացվեն հակաճգնաժամային միջոցառումները:

ԵՄ-ում ներդրվել են խիստ սահմանային հսկողություն: Միության սահմաններից դուրս գտնվող ճանապարհորդներին չի թույլատրվում հատել սահմանը: ԵՄ 27 երկիր որոշում է կայացրել արգելել մուտքը 30 օրով:

Իսպանիան հինգշաբթի օրը հայտարարեց, որ անցած օրվա ընթացքում կորոնավիրուսային վարակի հետևանքով մահացածների թիվն աճել է 169-ով (ընդհանուր առմամբ ՝ 767 մահ), վարակվածներինը՝  ավելի քան 3431 մարդ (ընդհանուր առմամբ 17147 դեպք):

Գերմանիայի կանցլեր Անգելա Մերկելը ազգին հեռուստատեսային ուղերձ հղեց, ասելով, որ իրավիճակը լուրջ է:

«Լրջորեն ընդունեք դա: Գերմանիայի միավորումից ի վեր, նույնիսկ Երկրորդ աշխարհամարտից ի վեր, մեր երկիրը չի անցել նման փորձություն, որի արդյունքը կախված է մեր հավաքական համերաշխությունից», - ասել է Մերկելը:

Գերմանիայում կորոնավիրուսների տարածումը վերահսկելու միջոցառումներն այնքան խիստ չեն, որքան Իսպանիայում և Իտալիայում: Իշխանությունները կարգադրել են փակել դպրոցները, շատ ընկերություններ և հանրային տարածքներ չեն գործում:  Գերմանիան հինգշաբթի օրը հայտնել է, որ կորոնավիրուսային վարակի քանակը բարձրացել է ՝ հասնելով 10999-ի:

Ավստրիան մինչև ապրիլի 5-ը ամբողջովին փակել է Տիրոլ նահանգը, որը դարձավ վիրուսի տարածման կենտրոն: Միայն տեղացիներն ու որոշ աշխատողներ կարող են հասնել այնտեղ, և այնտեղ ապրանքների ներմուծումը նույնպես թույլատրվում է:

Սլովենիայում այսօրվանից կգործի հանրային վայրերում գտնվելու արգելքը։

Պորտուգալիան հայտարարեց 15-օրյա արտակարգ դրություն, սակայն վարչապետ Անտոնիո Կոստան նախազգուշացրեց, որ միջոցները կարող են ուժի մեջ լինել ևս մի քանի ամիս։

Չորեքշաբթի օրը Իսպանիայի թագավոր Ֆիլիպ IV- ը հեռուստատեսային հայտարարություն արեց ՝ ասելով, որ վարակը չի հաղթի բնակիչներին, այլ, ընդհակառակը, նրանց ավելի ուժեղ կդարձնի: Երկրում հետաքննություն է սկսվել այն բանից հետո, երբ Մադրիդում 19 մարդ մահացավ ծերանոցում։

Նորվեգիայի խորհրդարանն ընդունում է արտակարգ իրավիճակների զբաղվածության և առողջության պահպանման փաթեթ։