Ձեր վստահելի աղբյուրը

Չինաստանի բյուջեի նախագծով, որը պետք է հաստատվի Ժողովրդի ներկայացուցիչների ազգային խորհուրդի (ԺՆԱԽ) ընթացիկ նստաշրջանում, նախատեսում է պաշտպանական նպատակների համար հատկացնել 1 տրիլիոն 258 միլիարդ յուան (178,16 միլիարդ դոլար), ինչը 6,6 տոկոսով ավելին է, քան 2019-ը:

Ինչպես նախօրեին լրագրողներին ասել է ԺՆԱԽ նստաշրջանի պաշտոնական ներկայացուցիչ Չժան Եսուին, Չինաստանի ռազմական ծախսերը երկար ժամանակ չեն գերազանցում երկրի ՀՆԱ-ի 1.3% -ը, ինչը շատ ավելի ցածր է, քան համաշխարհային միջին 2,6%-ը:

«Եթե Չինաստանի ծախսերը համեմատենք ռազմական առումով առաջին տերության հետ, ապա 2019-ին չինական ծախսերը կազմել են այդ երկրի ծախսերի միայն 1/3-ը, իսկ եթե դրանք հաշվարկեք մեկ շնչի հաշվով, ապա այդ ցուցանիշը կկազմի 1/17»,- ըստ «Ինտերֆաքս»-ի, հայտարարել է պաշտոնյան:

«2020-ին կորոնավիրուսի համաճարակի հետևանքով առաջացած խնդիրների պատճառով, երկրի ՀՆԱ-ի նպատակները սահմանված չեն»,- ուրբաթ ասել է ՉԺՀ-ի Պետական խորհրդի ղեկավար Լի Կեցզյանը:

Կառավարության աշխատանքի մասին հաշվետվությունում, որը նա ներկայացրել է ԺՆԱԽ-ի բացման նստաշրջանում, Լի Կեցզյանը հայտարարել է, որ ընթացիկ տարում գնաճը կանխատեսվում է 3,5%, իսկ բյուջեի դեֆիցիտը կարող է հասնել ՀՆԱ-ի 3,6%-ին:

Նա նշել է, որ 2020 թվականի առաջին եռամսյակում համաճարակի պատճառով Չինաստանի տնտեսության անկումը հասել է 6,8% -ի:

2019-ին տնտեսական աճի տեմպը կազմել է 6,1%: