Էլինար Վարդանյան. Չմասնակցե՛լ և չլռե՛լ
«Այլընտրանքային նախագծեր խմբի» անդամ Էլինար Վարդանյանը հերթական հոդվածում գրում է.
«Վերջին օրերին մեր երկրում տեղի է ունենում գռեհիկ գործընթաց՝ տարբեր տեսակի հեռախոսային խոսակցությունների ձայնագրում, հրապարակում և տարածում։ Սա անթույլատրելի երևույթ է, որին չարձագանքելը մեզ բոլորիս կդարձնի հանցակից։
1. Վերջին ամսում ծավալվող իրադարձությունները թույլ են տալիս ենթադրել, որ սա առնվազն իշխանության մի թևի, իսկ եթե իշխանության ներսից չլինի արձագանք, ապա գուցե՝ ամբողջ իշխանության գործելաոճն է։ Եվ վերաբերմունքը պետք է լինի համարժեք։
2. Ինչպիսի՞ն պետք է լինի նորմալ մարդու, ընթերցողի արձագանքը և անելիքը տվյալ իրավիճակում. պարզապես չլսել, չդիտել, չկարդալ այդ արտահոսքերը, այդ ձայնագրությունները, այդ ճանապարհով արձանագրել սեփական անհամաձայնությունը և արհամարհանքը ստոր գործելաոճի նկառմամբ։ Այդպիսով՝ անհատական մակարդակում մերժել և չմասնակցել կեղտոտ ակցիային։
3. Ինչպիսի՞ն պետք է լինի քաղհասարակության ինստիտուտների արձագանքը. չլռել։ Սա մարդու իրավունքների կոպտագույն խախտում է, որին պետք է արձագանքի յուրաքանչյուր գիտակից քաղաքացի, և առաջին հերթին՝ իրավապաշտպան հկ-ներն ու անհատները։ Լռությունն այս պարագայում չի հասկացվում։
Սա քաղաքական նախասիրությունների խնդիր չէ։ Այս ամենը խորացնում է ատելության, զրպարտություններով և մատնություններով լի մթնոլորտը։
Հարակից հրապարակումներ`
- Էլինար Վարդանյան. Վաղվա աղմկոտ դատավարությունները
- Էլինար Վարդանյան. Սխալներն ընդունված են, սխալները շարունակում են արվել
- Էլինար Վարդանյան. Մարտի 1-ի բարդ և բազմաշերտ գործը չի կարող մակերեսային քննության առարկա լինել
- Էլինար Վարդանյան. Ունենք պարզ լուծումներով բավական բարդ իրավիճակ
- Էլինար Վարդանյան. Մեր պետության մեկ օրը
- Էլինար Վարդանյան. Սա նաև անարգանք է ԱԺ պատգամավորի ինստիտուտի հանդեպ
Լրահոս
Տեսանյութեր
Եթե մտանք նոր սահման գծելու տրամաբանության մեջ, մենք մեր բոլոր սահմանները կկորցնենք. Փաշինյան