Ձեր վստահելի աղբյուրը

Հայկական հաղթական ԶՈւ-ի ռազմական շարունակական հաջողություններին զուգահեռ՝ պետք է ակտիվացնել ջանքերն թշնամուն թիկունքից խոցելու ուղղությամբ։ Կասկածից վեր է՝ պատերազմի ամեն նոր օրը ավելի է խորացնում Ադրբեջանական Հանրապետության ներսում եղած ճաքերը։

Ժամանակն է, որ ՀՀ քաղաքական ղեկավարությունը, անձամբ վարչապետը, խախտելով Ադրբեջանի ղեկավարի հետ պայմանավորվածությունը (ինչպես ներկայացվել է Հանրայինն տրված հարցազրույցում), ակտիվ երկխոսություն սկսի թշնամական պետության հասարակության տարբեր շերտերի հետ՝ կազմաքանդելու համար թշնամական բազմաշերտ հասարակության թվացյալ միասնությունը։ Այս մասին գրում է արաբագետ Արմեն Պետրոսյանը։

Նշվում է, որ Հայաստանից հնչող հիմնական ուղերձները կարող են լինել հետևյալ տրամաբանության մեջ՝

1.Այս անիմաստ արյունահեղությունը որևէ մեկին անհրաժեշտ չէ, բացի ալիևյան բռնապետական վարչակարգին՝ ոչ միայն Ադրբեջանի, այլև ամբողջ տարածաշրջանի ժողովուրդների խաղաղ գոյակցությունը խաթարելու գնով սեփական կյանքը երկարաձգելու համար։
2.Հայաստանն ամեն հնարավոր եղանակով պատրաստ է աջակցել բռնապետական ռեժիմից տասնամյակներ շարունակ տառապող հարևան ադրբեջանցի ժողովրդին՝ սեփական երկրում ժողովրդավարություն հաստատելու համար։
3. Թուրքիայի բռնապետ Ռ․Թ․ Էրդողանը սեփական անիրական ամբիցիաների և անձնական ագրեսիվ հավակնությունների պատճառով նպաստում է ինչպես ադրբեջանցի, այնպես էլ, ընդհանրապես, միաժամանակ մի քանի տարածաշրջանների ժողովուրդների արյունահեղությանը։
4.Հայաստանը պատրաստ է բոլոր հնարավոր եղանակներով և հարթակներում աջակցել Ադրբեջանի տեղաբնիկ ժողովուրդներին՝ նրանց բնական իրավունքների իրացման ճանապարհին, որի համար ստեղծվել է ամենաբարենպաստ պատմական իրավիճակը։

«Հայկական ԶՈւ-երը պատժում են ալիևյան վարչակարգին հավատարիմ ստորաբաժանումներին, որոնք խաղաղ իրավիճակում միանշանակորեն ծառայելու էին՝ տարածաշրջանում բարեկամական ժողովուրդների հակաբռնապետական ելույթները ճնշելու համար»,-գրել է Արմեն Պետրոսյանը։