Նիկոլ Փաշինյանի հեռացման պահանջը համաժողովրդական պահանջ է․ Ի․ Սաղաթելյան
«Ազատություն» ռադիոկայանի «Ֆեյսբուքյան ասուլիս»-ի ընթացքում ՀՅԴ ԳՄ ներկայացուցիչ, «Հայրենիքի փրկության շարժման» համակարգող Իշխան Սաղաթելյանը պատասխանել է օգտատերերի հարցերին, մասնավորապես ,թե որտեղի՞ց նրան այդքան փող, կարողություն, ունեցվածք։ Սաղաթելյանի խոսքով ՝ մարդիկ, որոնք իրենց լվացքի մեքենան ու հեռուստացույցը ապառիկ չեն գնել, պարտադիր չէ գող կամ թալանչի լինեն:
«Ես իմ կյանքի 38 տարիների ամեն օրվա և ժամվա համար կարող եմ տալ հանրային հաշվետվությունն, երբևէ բարձրաստիճան պաշտոնյա չեմ եղել, բացառությամբ իշխանափոխությունից հետո այդ 4 ամիսը։ Նույնիսկ հեռավոր ծանոթ կամ բարեկամ չեմ ունեցել, կուսակցության մեջ էլ ղեկավար դիրք չեմ ունեցել:
Ընտանիքս և ես մշտապես զբաղվել ենք բիզնեսով, առաջին ընկերությունս ստեղծել եմ 2005 թվականին, երբ ուսանող էի, սա հանրային փաստ է: 15 տարի 16-18 ժամ գիշեր- ցերեկ աշխատել եմ, ոչ մեկից ոչ գողացել եմ, ոչ թալանել եմ, ոչ էլ որևէ մեկի հետ կապ եմ ունեցել: Ներողություն անհամեստության համար, իմ գիտելիքների, իմ աշխատասիրության, իմ ընդունակությունների հաշվին զբաղվել եմ բիզնեսով, աշխատել եմ: Անշուշտ,չափազանցություն է այն ամեն ինչը, որ խոսվում է: Այո ես բիզնեսով եմ զբաղվել ստեղծել եմ աշխատատեղեր, վճարել եմ հարկեր։ Իմ ապրուստի միջոցը եղել է դա և քանի դեռ օրենքը չի արգելում և զբաղվելու եմ
գործարարությամբ, որովհետև դա իմ ընտանիքը պահելու միջոցն է»,- ասաց նա։
Շարունակելով պատասխանը Սաղաթելյանը նկատեց, որ վերջին շրջանում մեր հասարակության մեջ, ովքեր բիզնեսով են զբաղվել, փոքր կարողություններ ունեն, թիրախավորվել են։
«Պետական մակարդակով այդ մարդկանց դեմ հակաքարոզչություն է իրականացվում: Գիտե՞ք ինչի, որովհետև այսօրվա իշխանության եկած մարդիկ մինչև նախարար, պատգամավոր կամ մարզպետ դառնալը որևէ օգտակար գործ չեն արել, որևէ բարիք չեն ստեղծել։ Այսօր ակնհայտ հակաքարոզչություն կա այն մարդկանց նակատմամբ, ովքեր այս երկրում աշխատել ու ապրել են: Պետք է բոլորը հասկանան՝ այն մարդիկ, որոնք իրենց լվացքի մեքենան ու հեռուստացույցը ապառիկ չեն գնել, պարտադիր չէ գող կամ թալանչի լինեն: Ես երբեք պաշտոնյա չեմ եղել, այդ դիրքից չեմ օգտվել, այն կարողությունները, որ ունեմ ստեղծել եմ ես ու դրա համար միայն կարող եմ հպարտանալ»,- ասաց Սաղաթելյանն ու հաստատեց լրագրողի հարջորդ հարցը՝ առ այն, որ «Ծովասար» հյուրանոցը պատկանում է իր ընտանիքին։
Անդրադառնալով քաղաքական զարգացումներին վերաբերող հարցին Իշխան Սաղաթելյանն ընդգծեց, որ նոր մարտավարություն մշակելու խնդիր ունեն։
«Ակնհայտ է,որ Նիկոլ Փաշինյանի հեռացման պահանջը համաժողովրդական պահանջ է։ Բայց մենք այս ժամանակահատվածում չենք կարողացել այդ համաժողովրդական պահանջը վերածել համաժողովրդական պայքարի։ Անշուշտ, նոր մարտավարության խնդիր ունենք»,- ասաց Սաղաթելյանն ու տեղեկացրեց, որ այս ուղղությամբ իրականացվում են աշխատանքներ։
Ինչ վերաբերում է արտահերթ խորհրդարանական ընտրությունների անցկացմանն, ապա ՅՀԴ-ականի խոսքով՝ ՀՀ-ում իշխանությունը պետք է ձևավորի ժողովուրդը։
«Նախ մանիպուլացիան, որ ընդդիմությունը չի ուզում ընտրություններ, կեղծ է։ Ընդդիմության առաջին պահանջներից մեկը եղել է արտահերթ խորհրդարանական ընտրությունները և մենք գտնում ենք, որ ՀՀ-ում իշխանությունը պետք է ձևավորի ժողովուրդը։Խնդիրն այլ է։ Մենք ասում ենք, որ Նիկոլ Փաշինյանի գլխավորությամբ այդ ընտրությունները լինելու են Հայաստանի պատմության ամենախայտառակ ընտրությունը։ Մենք ներկայացրել ենք ճանապարհային քարտեզ,թե ինչպես պետք է անցկացվի այդ ընտրությունը»,-ասաց նա։
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ