![](https://panorama.am/news_images/816/2446767_1/img_04022021_201633_790_x_444.thumb.jpg)
Իշխանությունը որոշել է պայքարել լրատվական ինկոգնիտո աղբյուրների դեմ․ Արսեն Բաբայան
«Հայրենիք» կուսակցության խորհրդի անդամ Արսեն Բաբայանը «Տելեգրամի» իր էջում գրում է․
«Իշխանությունը որոշել է պայքարել լրատվական ինկոգնիտո աղբյուրների դեմ: Այդպիսի լրատվականները վերջին 2 տարում զգալիորոն շատացել են, քանի որ լրագրողական հանրությունը կանխատեսել էր այս իշխանության ատելությունն ազատ մամուլի նկատմամբ, իսկ քաղաքական գործիչներն իրենց մաշկի վրա զգացել են քննադատության հետևանքով քաղաքական հետապնդումները: Այս երկու հանգամանքները դարձան այդպիսի լրատվամիջոցների շատացման ու հանրային պահանջարկի ավելացման պատճառ:
Ինկոգնիտո լրատվամիջոցների բազմանալն ինքնապաշտպանության միջոցներից մեկն է դարձել: Իսկ պետական հարկադրանքով պայքարը դրա դեմ ամենամեծ անմտությունն է և մեծացնելու է ինկոգնիտո լրատվամիջոցների լսարանը:
Մարդիկ հասկանում են, որ պետությունն արգելում է գաղտնի աղբյուրներով ճշմարտության բացահայտումը, որն էլ բերելու է այդ գաղտնի աղբյուրների էլ ավելի պոպուլյարացմանը:
Իշխանության այս նախագիծն էլ, ինչպես մնացած բոլորը, ունենալու է հակառակ էֆեկտը»:
Լրահոս
Տեսանյութեր
![GG-ում խուզարկությունը ռեպրեսիա է. Ռուբեն Մելիքյան](https://panorama.am/video_images/17/49467_1/f666d7bfa4e699_666d7bfa4e6d9.jpg)
![Ապրում ենք իրավական ամենաթողության մեջ. Բագրատ Սրբազան](https://panorama.am/video_images/17/49449_1/f666d70d2be002_666d70d2be042.jpg)