Որ լավ մտածենք, կտեսնենք որ լուրջ փորձանքից ենք պրծել․ Գարիկ Քեռյան
Հայաստանի բնակչության կեսից ավելին կուտակված է Երևանում։ Մայրաքաղաքում է կենտրոնացված արդյունաբերական և այլ հզորությունների առյուծի բաժինը։Այս մասին ֆեյսբույան իր էջում գրել է քաղաքագետ Գարիկ Քեռյանը։
«Փաստացի ՀՀ-ն շատ նման է քաղաք պետության։ Այս է իրականությունը, որը շատ վատ է բոլոր առումներով։ Ապագայում անհրաժեշտ է շտկել այս իրավիճակը, եթե ուզում ենք առավել ամուր և կենսունակ պետություն դառնալ։ Իսկ ինչու հիմա հիշեցի այս մասին։ Երկու օր է ակտիվ քննարկվում է "Իսքյանդերի թեման"։ Խփել թե չխփել, ինչու չխփեցին և այլն։ Ինձ թվում է, ավելի ճիշտ համոզված եմ "մեկ ազգ երկու պետություն" թուրքական տանդեմը հենց դրան էլ սպասում էր։ Իսկանդերի կիրառումը Հայաստանից կարող էր հանգեցնել պատասխան հրթիռային հարվածին թուրքական տարածքից։
Թե ինչ ահռելի հարվածային կարողություններ և կործանիչ օդուժ ունի Թուրքիան, աստված գիտի։ Հետևանքների մասին չեմ էլ ուզում մտածել։ Խփել չխփելը կդառնար շեքսպիրյան ,«լինել թե չլինել, այս է խնդիրը»։ Արևմտյան դեմոկրատիաները բանաձևեր կնդունեին, ռուսներն էլ ուշացած տեղ կհասնեին։ Որ լավ մտածենք, կտեսնենք որ լուրջ փորձանքից ենք պրծել»,-գրել է քաղաքագռտը։
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ