Նիկոլ Փաշինյանի անվտանգության միակ երաշխիքը Երևան քրեակատարողական հիմնարկն է. Նարեկ Սամսոնյան
«Նիկոլ Փաշինյանի անվտանգության միակ երաշխիքը Երևան քրեակատարողական հիմնարկն է և ինչքան շուտ նա դա հասկանա, անքան նրա կյանքի տևողությունը երկար է լինելու»,- հրավիրված ասուլիսում ասաց «Քաղաքացիական գիտակցություն» ՀԿ նախագահ Նարեկ Սամսոնյանը։
Ըստ բանախոսի՝ Փաշինյանին վտանգ է սպառնում ոչ թե քաղաքական գործիչներից, այլ այն մարդկանցից, որոնց զավակները զոհվել են Արցախում:
Նշելով, որ Փաշինյանը բռնաբարել է Հայաստանի Սահմանադրությունը, մի քանի օր առաջ ոտքերը մաքրել է դատարանի օրինական ուժի մեջ մտած որոշման վրա, հանձնել է Արցախը և հողերի տալու գործընթացը քողարկելու համար սպանել է 5000-ից ավելի երիտասարդ՝ Նարեկ Սամսոնյանը պնդեց, որ ներկայում հանրապետությունում սահմանադրական կարգ չկա, իսկ ովքեր հակառակն են պնդում՝ նրանք սպառում են Նիկոլ Փաշինյանի օրակարգը:
«Փաշինյանը կարող է կապիտուլյացիայի փաստաթուղթ ստորագրել, բայց նա չէ սահմանադրությամբ այն պաշտոնյան, որը հայտարարի արտահերթ ընտրություններ անցկացնելու մասին»,- նկատեց բանախոսը և շեշտեց, որ այն եղել է վարչապետի աթոռը զբաղեցնողի հերթական քաղաքական հայտարարությունը, որը մի օր մի բան է ասում, մեկ այլ օր՝ այլ բան:
Նրա համոզմամբ, Փաշինյանի գնալը պայմանավորված չէ արտահերթ ընտրություններով, քանի որ նրա հեռանալը վաղուց է հասարակության օրակարգում:
Շեշտելով, որ քաղաքական էպոխա համարվող «փաշինյան» երևույթն արդեն անցյալ է, Սամսոնյանը նկատեց, որ դրա կյանքի կոչելու ձևը ցույց կտա ժամանակը, իսկ Փաշինյանը կարող էր առանց Հայաստանի ֆիզիկական գոյությունը վտանգի տակ դնելու գնար, բայց դա չի արել:
«Հայաստանում վաղուց այս իշխանությանը հեռացնելու բոլոր ճանապարհները սահմանադրական են»,- հայտնեց նա և նկատեց, որ երկիրը դավաճանած իշխանության դեմ ցանկացած միջոց ընդունելի է:
Նարեկ Սամսոնյանի կարծիքով՝ ընտրություններ չեն անցկացվելու, հերթական անգամ հասարակությանը խաբում են և որպես փաստարկ բերեց կորոնավիրուսով վարակվածների թվի արհեստական բարձրացման երևույթը:
«Ոստիկանությունը փոխանակ կատարի իր բուն պարտականությունները՝ զբաղվում է ամեն ինչով և մնում է, որ Փաշինյանին ուղեկցեն զուգարան»,- անդրադառնալով Փաշինյանի պաշտպանության արտակարգ միջոցներին՝ նկատեց «Քաղաքացիական գիտակցություն» ՀԿ նախագահը և հավաստիացրեց, որ ոստիկաններն էլ են արդեն վրդովված այդ վիճակից:
Վերջում բանախոսը հիշեցրեց այն բռնապետերի ճակատագրերը, որոնք ժամանակին հիմնվել են մեկ ուժային կառույցի վրա:
Լրահոս
Տեսանյութեր
Գրեթե 100 տոկոսով վստահ եմ՝ նոր իշխանությունները կկարողանան հարցը բերել օրինական դաշտ. Սերժ Սարգսյան