«Արցախպրես». Բորիս Ավագյանը որևէ պաշտոն չի զբաղեցնում Արցախում
Արցախի ԱԻՊԾ փոխտնօրեն, ծառայության համազգեստով այսօր Հայաստանի ԱԺ ներկայացած, ԱԻՊԾ գնդապետ Բորիս Ավագյանի հայտարարություններից հետո Արցախի նախագահի մամուլի խոսնակ Լուսինե Ավանեսյանը «Արցախպրես»-ին հայտնել է, որ Բորիս Ավագյանը որևէ պաշտոն չի զբաղեցնում Արցախում և չի կարող Նախագահի հասարակական հիմունքներով հատուկ հանձնարարություններով ներկայացուցչի նախկին կարգավիճակով ներկայացվել:
«Դեռևս մարտ ամսին Բորիս Ավագյանն ազատվել է Նախագահի հատուկ հանձնարարություններով ներկայացուցչի հասարակական հիմունքներով պաշտոնից, իսկ դրանից առաջ էլ նշել էի, որ նույնիսկ այդ կարգավիճակում նա լիազորված չէր ԱՀ նախագահի անունից խոսելու: Ուստի, հորդորում եմ լրատվամիջոցներին Բորիս Ավագյանի մեկնաբանությունները չներկայացնել Արցախի նախագահի և որևէ այլ պետական մարմնի հետ առնչվող որևէ կարգավիճակով»,- ասել է Լուսինե Ավանեսյանը:
Հիշեցնենք, որ Բորիս Ավագյանն այսօր ԱԺ էր եկել «Իմ քայլը» խմբակցությունը լքած Թագուհի Թովմասյանի հրավերով։
Նշենք, որ Բ. Ավագյանը «Իմ քայլը» խմբակցության որոշ պատգամավորների՝ գերիների, անհետ կորածների մասին հայտարարություններն որակել էր անթույլատրելի։
Հարակից հրապարակումներ`
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին