Ձեր վստահելի աղբյուրը

«Բանկի աշխատակիցները փոխանակ կատարեին իրենց լիազորությունները, իմ հանդեպ կիրառեցին բռնություն և դուրս հանեցին բանկից»,- «Հայելի» մամուլի ակումբում հայտնեց Երևանի ավագանու նախկին անդամը «Առողջ հանրություն» ՀԿ նախագահ Մարինա Խաչատրյանը:

Նա տեղեկացրեց, որ այսօր գնացել է HSBC բանկի կոմիտասի մասնաճյուղ և փորձել է հաշիվը համալրել, բայց այնտեղ իրեն պարտադրել են դիմակ կրել, այն դեպքում, երբ բոլորը գիտեն՝ որպես բժիշկ դիմակներին իր դեմ լինելու մասին, քանի որ, ըստ նրա, դիմակները ոչ միայն չեն օգնում, այլ մարդու օրգանիզմին հասցնում են սարսափելի վնասներ:

Մարինա Խաչատրյանը պատմեց, որ բանկի աշխատակիցներին հայտնել է Սահմանադրության 25 հոդվածով իր առաղջությունը պահպանելու և պաշտպանելու իրավունքի մասին  և պահանջել է այն փաստաթուղթը, որով պարտադրում են դիմակ կրել:

Բանախոսը գտնում է, որ որոևէ որոշում չի կարող գերակա լինել օրենքներից և Սահմանադրությունից և առաջին հերթին՝ պարետի որոշումները:

Նկատելով, որ այսօր Հայաստանում համաճարակային վիճակ չկա՝ ավագանու նախկին անդամը պնդեց, որ բանկի աշխատողների պահանջներն հակաօրինական էին:

«Առողջ հանրություն» ՀԿ նախագահը հայտնելով, որ դիմել է ոստիկանություն, ԿԲ-ին, Մարդու իրավունքների պաշտպանին և HSBC բանկի ղեկավարությանը՝ համոզմունք հայտնեց, որ մեղավորները պետք է պատժվեն,  որպեսզի ապօրինություն չկրկնվի:

«Պետք է կրեն պատիժ որպեսզի իրենց ստրկամտությամբ չհամարձակվեն հայի հայ տեսակին տիրել, ստրկացնել ըմբոստ հայի տեսակը և հայի մաքուր գեն կրող մարդու նկատմամբ բռնի ուժ կիրառել»,- ասաց բժիշկը:

Անդրադառնալով համաճարակի խնդիրներին՝  խաչատրյանը պնդեց, որ քանի դեռ մարդիկ կրում էինք դիմակներ, կար հիվանդացության խիստ բարձր ցուցանիշ, իսկ այն բանից հետո, երբ սկսեցին չկրել դիմակ և դրա պարտադրանքը հանվեց՝ հիվանդացության տոկոսը կտրուկ նվազեց:

Նրա խոսքով՝ կորոնավիրուսի դեմ պատվաստված մարդկանց 90 %-ի մոտ առաջանում են գանգատներ՝ ուժեղ գլխացավեր, նեվրոտիկ երևույթներ և արտահայտված ագրեսիա, որի մասին հայտնում են պատվաստվածների հարազատները:

Խաչատրյանը տեղեկացրեց, որ այս ամենի համատեքստում աշխատանքից ազատել են նեվրոզների կլինիկայի ղեկավար Ցոլակ Հակոբյանին, որի մեջ տեսնում է միտում:

Ըստ բանախոսի՝ սրանից հետո մարդիկ նեվրոզներից բուժվելու համար գնալու են ոչ թե կլինիկա այլ սորոսական արմատներ ունեցող, գրանտակեր նարկոլոգիայի ինստիտուտի ղեկավարության մոտ: