Երևանում կանցկացվի Մոսկվայի և Կարսի պայմանագրերի 100-ամյակին նվիրված գիտաժողով
ԳԱԱ Պատմության ինստիտուտը, ԳԱԱ Արևելագիտության ինստիտուտը, ՀՅԴ Հայ դատի կենտրոնական խորհուրդը և «Արևմտահայոց հարցերի ուսումնասիրության կենտրոն» գիտահետազոտական հիմնադրամը կազմակերպում են 1921 թ. Մոսկվայի և Կարսի պայմանագրերի 100-ամյակին նվիրված «Հայաստանը և տարածաշրջանը. դասեր, արժևորումներ, հեռանկարներ» խորագրով միջազգային գիտաժողով:
ՀՅԴ հանրային կապերի գրասենյակի փոխանցմամբ, գիտաժողովն անցկացվելու է 2021 թ. հոկտեմբերի 19-21-ին, Երևանում: Գիտաժողովին ներկայացվող զեկույցները պետք է լինեն հետևյալ թեմաների շուրջ.
• 1921 թ. Մոսկվայի և Կարսի պայմանագրերը. դասեր և վերագնահատումներ:
• 1921 թ. Մոսկվայի և Կարսի պայմանագրերը, դրանց միջազգային-իրավական կարգավիճակը և Հայաստանը:
• Քաղաքական և աշխարհաքաղաքական զարգացումները տարածաշրջանում և Հայաստանը:
• Թուրքիայի հավակնությունները տարածաշրջանում: Հայաստանին սպառնացող մարտավերները:
• Արևմուտքը և Հարավային Կովկասը:
• Ռուսաստանը և Հարավային Կովկասը:
• Արցախյան հիմնահարցը տարածաշրջանային զարգացումներում:
Գիտաժողովի նյութերը հրատարակվելու են երեք լեզուներով (հայերեն, ռուսերեն, անգլերեն):
Գիտաժողովի կազմկոմիտե՝
Խաչատուր Ստեփանյան (պատասխանատու), Խ. Աբովյանի անվան ՀՊՄՀ համաշխարհային պատմության ամբիոնի վարիչ, պատմական գիտությունների դոկտոր, պրոֆեսոր,
Աշոտ Մելքոնյան, ՀՀ ԳԱԱ ՊԻ տնօրեն պատմական գիտությունների դոկտոր, պրոֆեսոր, ՀՀ ԳԱԱ ակադեմիկոս,
Ռոբերտ Ղազարյան, ՀՀ ԳԱԱ արևելագիտության ինստիտուտի տնօրեն, պատմական գիտությունների թեկնածու, դոցենտ,
Ռուբեն Սաֆրաստյան, պատմական գիտությունների դոկտոր, պրոֆեսոր, ՀՀ ԳԱԱ ակադեմիկոս,
Լևոն Մկրտչյան, պատմական գիտությունների թեկնածու, դոցենտ
Հայկազուն Ալվրցյան, «Արևմտահայոց հարցերի ուսումնասիրության կենտրոն» գիտահետազոտական հիմնադրամի տնօրեն, բանասիրական գիտությունների դոկտոր
Գիտաժողովին մասնակցության հայտը (զեկուցողի անուն, ազգանուն, գիտական կոչումը, աստիճանը հիմնական աշխատանքի վայրը, զեկույցի վերնագիր և համառոտագիր հայերեն կամ ռուսերեն կամ անգլերեն լեզուներով) պետք է ներկայացնել մինչև օգոստոսի 27-ը [email protected] էլեկտրոնային հասցեին:
Լրացուցիչ տեղեկությունների համար զանգահարել +3749373377 (WhatsApp, Viber) հեռախոսահամարով կամ գրել [email protected] էլեկտրոնային հասցեին:
Գիտաժողովի կազմկոմիտեի հավանությանն արժանացած սահմանափակ թվով արտասահմանցի զեկուցողների մասնակցության համար ճանապարհածախսը և կեցությունը կհոգա կազմակերպող կողմը:
ՀՐԱՏԱՐԱԿՄԱՆ ՆԵՐԿԱՅԱՑՎՈՂ ԶԵԿՈՒԹՅՆԵՐԻ ՏԵԽՆԻԿԱԿԱՆ ՊԱՀԱՆՋՆԵՐՆ ԵՆ.
Համակարգչային շարվածքը՝ MS Word 2003-2010 ծրագիր:
Էջի ֆորմատը՝ A4, վերևից ներքևից 2 սմ, ձախից 3 սմ, աջից 1,5 սմ
Ծավալը՝ առավելագույնը 20.000 նշան՝ առանց բացատների:
Տեքստի տառատեսակը՝ հայերեն՝ GHEA Grapalat, ռուսերեն և անգլերեն՝ Times New Roman:
Հոդվածի ներկայացման լեզուն՝ հայերեն կամ անգլերեն կամ ռուսերեն
Հոդվածներն ուղարկել՝
Առաջին էջի վերին տողում (մեջտեղում) 13 pt տառաչափով, գլխատառերով, թավ (Bold) գրվում է հոդվածի վերնագիրը: Մեկ տող բաց թողնելով տողի մեջտեղում 12 pt տառաչափով, գլխատառերով, թավ (Bold) տրվում են հեղինակ(ներ)ի Անուն Ազգանուն(ներ)ը: Մեկ տող ներքև տողի մեջտեղում 12 pt տառաչափով, շեղատառ (Italic) տրվում է աշխատավայրը, բուհը կամ գիտահետազոտական կենտրոնը, ֆակուլտետը, գիտական աստիճանը, կոչումը, քաղաքը և երկիրը: Մեկ տող ներքև տողի մեջտեղում 12 pt տառաչափով տրվում է հեղինակի էլեկտրոնային փոստի հասցեն:
Մեկ տող բաց թողնելով անհրաժեշտ է գրել «Բանալի բառեր» և նշել 7-10 բանալի բառեր (հայերնե, ռուսերեն, ագնլերեն):
Մեկ տող բաց թողնելով անհրաժեշտ է ներկայացնել աշխատանքի հիմնական տեքստը, որի տառաչափը 12 pt է, տողերի հեռավորությունը՝ 1,5: Տեքստը պետք է հավասարեցված լինի երկու կողմերից (Alignment: Justify): Պարբերությունները սկսել 1 սմ խորքից՝ TAB-ի կիրառմամբ:
Հոդվածի` հայերեն, ռուսերեն և անգլերեն (ամփոփում, аннотация, abstract) ամփոփագրերը պարտադիր են, որոնք տրվում են հիմնական տեքստից հետո:
Հղումները պարտադիր են. տրվում են տողատակում, աճման կարգով՝ 10 pt տառաչափով, տողերի հեռավորությունը՝ 1: Հղման տեքստը պետք է հավասարեցված լինի երկու կողմից (Alignment: Justify): Պարբերություններն սկսել 1 սմ խորքից՝ TAB-ի կիրառմամբ: Հղման մեջ պետք է ներկայացված լինեն օգտագործված աշխատանքի հեղինակի ազգանունը և անվան առաջին տառը, այնուհետև աշխատանքի վերնագիրը, հատորը, հրատարակության վայրը, տարեթիվը և էջը: