Ձեր վստահելի աղբյուրը

Ռուսաստանի վաստակավոր արտիստուհի Մարիա Շուկշինան ստացել է «Հայրենիքին մատուցած ծառայությունների համար» 1-ին աստիճանի շքանշան: Մրցանակաբաշխության ժամանակ արտիստը խոսել է «մշակույթի բացակայության վիրուսի» մասին, որը «հոշոտում է ռուսների մի ամբողջ սերունդ»:

Սոցիալական ցանցերի հայ օգտատերերն աջակցություն են հայտնել Շուկշինային ՝ կիսվելով նրա ելույթի տեսանյութով:

«Գովասանքի արժանի, համարձակ և իմաստուն կին», - գրում է օգտատեր Արթուր Պետրոսյանցը:

«Ահա ձեզ իսկական հայրենասեր մարդու և արվեստագետի օրինակ: Ու նկատեք, որ սա ասում է կին, որը շատ տղամարդկանցից ավելի տղամարդկություն ունի: Միայն ճշմարտություն, ոչ մի չափազանցություն, հանգիստ ու հիմնավորված: Իսկ մեր մո՞տ, ի՞նչ մեր մոտ, դե իսկ մեր մոտ պատվո մեդալներ հավաքող կոլեկցիոներներ, նախընտրական ամբիոններից քաղաքական փուչ խոստումների տակ ստորագրող պալատական ծաղրածուներ ու սեփական էգոյին գերի կարիերիստներ», - գրել  է Տիգրան Սուչյանը:

Տեսանյութը ներկայացրել է Россия24 հեռուստաալիքը:

«Շնորհակալ եմ մրցանակի համար, բայց որպեսզի Հայրենիքին մատուցած ծառայությունների համար այս մեդալը հպարտորեն կրծքավանդակին կրես, պետք է խոսել հայրենիքի մասին և ասել ճշմարտությունը: Իսկ ճշմարտությունն այն է, կներեք, մենք դժբախտություն ունենք, ինձ հարազատ բնագավառում, առաջին հերթին, մշակույթի: Իսկ «անկուլտուրականության վիրուսը» շատ ավելի վտանգավոր է, քան այսօրվա նորաձև կորոնավիրուսը: Այն ավելի վտանգավոր է, քանի որ ոչ ոք չի մահանում նրանից, բայց նա հնձում է մի ամբողջ սերունդ:

Ոչ մի պետություն, ոչ մի քաղաքակրթություն, ոչ մի կայսրություն չի կարող դիմակայել առանց հոգևոր և բարոյական հիմքի, և կան բազմաթիվ պատմական օրինակներ», - ասել է Մարիա Շուկշինան այն բանից հետո, երբ ՌԴ վարչապետ Միխայիլ Միշուստինը նրան հանձնել է մրցանակը:

«Բարոյականության, խղճի, ազգային հերոսների պակասը (ավելի ճիշտ, նրանք կան, բայց մշակութային հանրության մեջ ավելի լավ է չնշել նրանց անունները), բարոյականության բացակայությունը բերում է անդառնալի գործընթացների, ազգի դեգրադացիայի:

Խոսքի մշակույթը, հաղորդակցության մշակույթը սպանվում է մեր աչքի առաջ, մարդկանց իրար դեմ են հանում: Անզեն աչքով կարելի է տեսնել, որ սոցիալական փորձ է ընթանում, մարդիկ ատում են միմյանց: Նախ դիմակների պատճառով, այժմ պատվաստանյութերի պատճառով, շուտով QR կոդերի պատճառով, ըստ երևույթին: Եվ սա պետք է դադարեցվի», - ընդգծել է Շուկշինան:

Նրա խոսքով, ի վերջո, բոլորը կսպանեն միմյանց, և ոչ ոք այդպես էլ չի ճանաչի թշնամուն.
«Գիտեք, Չինաստանում պատերազմի արվեստի նման սխեման կոչվում է «Խելացի կապիկը սարից դիտում է հովտում երկու վագրերի կռիվը»: Ժամանակակից պատերազմները չեն վարվում զենքով և հրթիռներով, դրանք բոլորը լրատվամիջոցներում են, գիտության մեջ, կրթության, մշակույթի, բժշկության և առողջապահության ոլորտում:

Եվ ոչ ոք չի էլ փորձում հասկանալ, որ սա դիտավորյալ հոգևոր դիվերսիա  է` մարդկանց ապամարդկացնելու և պառակտելու համար:

Եվ դադարեցրեք այս գործընթացները:

Հասարակության մեջ հոգևորության և բարոյականության պահանջ կա: Հավատացեք ինձ, կա: Եվ ես խոսում եմ քաղաքացիական հասարակության մեծ մասի մասին: Եվ սա չտեսնելը պարզապես հանցագործություն է մարդկանց դեմ:

Ներողություն եմ խնդրում թերևս չափազանց կոպիտ լինելու համար, բայց սա պարզապես հոգու ճիչն է, սա «SOS» է, հարգելի Միխայիլ Վլադիմիրովիչ: Ծառայում եմ Հայրենիքին»:

Միշուստինի ձեռքից պատվոգիր է ստացել  նաև Կինոյի և թատրոնի հայտնի ռուս դերասան Յուրի Ստոյանովը, ով արձագանքել է Շուկշինայի խոսքերին:

«Շնորհակալություն իմ մանկությունը երկարացնելու համար: Սա 4 -րդ դասարանից հետո երկրորդ դիպլոմն է` մետաղի ջարդոն հավաքելու համար: Այս երկու մեդալների միջև մեծ կյանք կա` իմը և իմ երկրինը: Առանց վիճելու Մարիայի հետ, ես կասեի մի շատ պարզ բան. իմ մասնագիտության մեջ, իմ տարիքում, բնական պատճառներով անընդհատ նվազում է մրցակցությունը, բայց իմ մասնագիտությունը երջանիկ է, ես հիմա կգնամ տուն, կսովորեմ ուրիշների խոսքերը, դրանք կդարձնեմ իմը և կհաշտեցնեմ մարդկանց», - ասել է Ստոյանովը ՝ ստանալով դիպլոմ: