Ձեր վստահելի աղբյուրը

Facebook-ը սպառնում է երեխաներին, սակայն շահույթն ավելի վեր է դասում, քան օգտատերերի անվտանգությունը, իսկ նախորդ օրվա ձախողումը հինգ ժամ ապահովել է աղջիկների և կանանց  անվտանգությունը։ Այս մասին ասել է սոցիալական մեդիայի նախկին մենեջեր Ֆրենսիս Հաուգենը ԱՄՆ Սենատի լսումների ժամանակ, գրում է Ռիա Նովոստին:

«Ես այստեղ եմ, քանի որ կարծում եմ, որ Facebook-ի արտադրանքը վնասում է երեխաներին, նրանց ինքնազարգացմանը և թուլացնում մեր ժողովրդավարությունը»,- ասել է Հաուգենը:

Նա ընդգծել է, որ ընկերությունը շահույթը գերադասում է իր օգտատերերի անվտանգությունից:

«Նախորդ օրը մենք տեսանք, թե ինչպես է Facebook-ն անհետանում ինտերնետից։ Չգիտեմ ինչու այն չաշխատեց, բայց ես գիտեմ, որ հինգ ժամից ավելի է, ինչ Facebook-ը չի օգտագործվում պառակտումները խորացնելու, ժողովրդավարություններն ապակայունացնելու և աղջիկներին ու կանանց պարտադրելու կամ նրանց մարմինների նկատմամբ բացասական զգացմունքներ ունենալու համար»,- ասել է նա և հավելել․

«Դա նաև նշանակում է, որ միլիոնավոր փոքր ձեռնարկություններ չեն կարողացել ներգրավել պոտենցիալ հաճախորդներ, իսկ ամբողջ աշխարհում միլիոնավոր նորածինների նկարները ծնողներն ուրախությամբ չեն տեղադրել»։