Ձեր վստահելի աղբյուրը

«Երեկ ԱԺ ընդդիմադիր խմբակցությունները քվեարկության էին դրել հակաադրբեջանական, Արցախի Հանրապետությունը պաշտպանող հայտարարության նախագիծը, «Քաղաքացիական պայմանագիր» խմբակցությունը չմասնակցեց քվեարկությանը։  Ադրբեջանը հիմա հրճվում է, ասում է՝ Նիկոլի թիմը տապալեց հակաադրբեջանական նախագիծը»,- ԱԺ-ում լրագրողների հետ զրույցում ասաց «Հայաստան» խմբակցության պատգամավոր Աղվան Վարդանյանը։

Նա նաև անդրադարձավ երեկ Աժ-ում կառավարության հետ հարցուպատասխանի ժամանակ Նիկոլ Փաշինյանի առաջարկին ընդդիմությանը՝ նստել և խոսել. «Անընդհատ սուտ էր խոսում, ստում էր, դրա համար Արմեն Ռուստամյանը, ես ասում էինք՝ սուտ ես խոսում, ստում ես, շարունակում էր ստերը։ ԴԱրմեն Ռուստամյանն ասաց՝ նստենք, խոսենք, որպեսզի այդպես սուտը բացահայտվի։ Բայց ինքն ընկավ հիստերիայի մեջ։ Բնականաբար, «Հայաստան» դաշինքը սրա հետ որևէ հարց չունի քննարկելու որևէ ֆորմատով, որևէ բան չունենք խոսելու։ Մեր նպատակը նույնն է՝ այս իշխանությունը օր առաջ հեռացվի»։

Ընդդիմադիր պատգամավորի խոսքով, դա շուտ կլինի. «Այն վիճակում, որ իրենք են, հիմա իրենց իշխանության հմայվածի պահվածքն է, այնպես են թսկելու, դառնալու այլ բան, վստահ եղեք»։