Կալանավորվել է Մենուա Հովսեփյանը
«Որոտանում թուրքը անցակետ է դնում, իսկ դատարանը Գորիսի փոխհամայնքապետ Մենուա Հովսեփյանին է կրկին կալանավորում»,-գրել է ֆեյսբուքյան օգտատեր Դավիթ Համբարձումյանը՝ նշելով Գորիսի փոխքաղաքապետ Մենուա Հովսեփյանին։
ԱԺ պատգամավոր Արամ Վարդևանյանը, արձագանքելով Գորիսի փոխքաղաքապետի կալանավորման փաստին, գրել է.
«Վերջերս հայտարարել էի, որ «այսպիսի խեղճացած, վախեցած, կամակատար դատարանները երբեք չեն եղել»։ Այս պնդումը վերաբերում է առհասարակ իրավապահներին:
Այս պնդման հերքման դեպքում այսօր հարուցված կլիներ քրեական գործ առնվազն Հայաստանի տարածքների ապօրինի փոփոխման վերաբերյալ: Այս պնդման հերքման դեպքում Գորիսի փոխքաղաքապետը՝ Մենուա Հովսեփյանը չէր կալանավորվի հենց այսօր, հենց այն օրը, երբ Սյունիքի մարզի ճակատագիրը որոշում են ադրբեջանից ու կոնկրետ գործողություններ ձեռնարկում:
Հենց այս պնդման հերքման դեպքում՝ դատախազությունը հենց իր նախաձեռնությամբ արդեն հայտարարություն տարածած կլիներ Արարատի մարզում (հղումը մեկնաբանություններում) այս իշխանությունների կողմից ընտրողների կամքի վրա ուղղակի միջամտելու, հերթական անգամ վարչական ռեսուրսը չարաշահելու վերաբերյալ...»։
Հարակից հրապարակումներ`
- Եթե Առուշ Առուշանյանն այստեղ լիներ, հաղթանակը կնվիրեր պատերազմում նահատակված մեր տղաներին. Մենուա Հովսեփյան
- Գորիսի փոխքաղաքապետ Մենուա Հովսեփյանն ազատության մեջ է
- Այս ամենի հիմքում քաղաքական պատվերն է. Մենուա Հովսեփյանի պաշտպան