![](https://panorama.am/news_images/876/2625763_1/joghovurd.thumb.jpg)
«Ժողովուրդ». Թանկացել է ամեն ինչ, իսկ այդ թանկացումների ֆոնին կառավարությունը խոստումներ է տալիս, որ քաղաքացին ավելի լավ է ապրելու
«Ժողովուրդ» թերթը գրում է. «Հայաստանում սպառողական շուկայում մեկ ամսվա ընթացքում պաշտոնական վիճակագրությունը լուրջ գնաճ է արձանագրել: Նախորդ տարվա դեկտեմբերին թանկացել է ամեն ինչ: Օրինակ՝ շաքարավազի գինը 2.2 տոկոսով է բարձրացել, իսկ կաթնամթերքի շուկայում արձանագրված գնաճը կազմել է 1.6 տոկոս: Թանկացել է նաև առաջին անհրաժեշտության սննդատեսակ համարվող հացը. այս շուկայում պաշտոնապես գնաճը կազմել է 1.6 տոկոս: Ալյուրի գինը բարձրացել է 1.5 տոկոսով, իսկ մակարոնեղենինը՝ 2.7 տոկոսով, բրնձինը՝ 2.9 տոկոսով:
«Ժողովուրդ» օրաթերթը տեղեկացավ, որ ձվի գինը 2021 թվականի դեկտեմբերին, 2020-ի նույն ժամանակահատվածի հետ համեմատ, աճել է 12.7 տոկոսով: Այս թանկացումների ֆոնին ՀՀ կառավարությունը խոստումներ է տալիս, որ այս տարի ՀՀ քաղաքացին ավելի լավ է ապրելու. հունվարի 1-ից 3000 դրամով բարձրացել են թոշակներն ու նպաստները, նվազել է եկամտահարկը։
Իշխանությունը, սակայն, մոռանում է թանկացումների մասին. հունվարի 1-ից մեր հանրապետությունում բարձրացել է գույքահարկը, դարձյալ կթանկանա ներմուծվող ու արտադրվող սննդամթերքը, այդ թվում` ի հաշիվ ակցիզային հարկի ու մաքսատուրքերի բարձրացման։ Ջրի գնի բարձրացման ու փետրվարի 1-ին էլեկտրաէներգիայի թանկացման մասին ուղղակի լռում ենք: Դե արի ու 3000 դրամ ավելացած թոշակով կոմունալ վարձ վճարիր կամ սնունդ առ ու ապրիր»։
Մանրամասները թերթի այսօրվա համարում:
Լրահոս
Տեսանյութեր
![Իրականացվել են զանգվածային ձերբակալություններ ամբողջությամբ ապօրինի եղանակով. Արսեն Բաբայան](https://panorama.am/video_images/17/49520_1/391891e1_4702_497c_b299_a1ae9a7e7a6b.thumb.jpg)
Իրականացվել են զանգվածային ձերբակալություններ ամբողջությամբ ապօրինի եղանակով. Արսեն Բաբայան
![Նարեկ Սամսոնյան. Ես այստեղ անաչառության հարց չեմ տեսնում](https://panorama.am/video_images/17/49552_1/f66718e62cc75d_66718e62cc79d.jpg)
![«Իմնեմնիմիի գործով» հանրային մեղադրողը բացարկ հայտնեց դատավորին](https://panorama.am/video_images/17/49534_1/f66718762199ce_6671876219a0e.jpg)
![Քննչական մարմինը քաղաքական պատվեր է կատարել. Փաստաբան](https://panorama.am/video_images/17/49522_1/f667153f665eee_667153f665f2e.jpg)
![Այսօր Եռաբլուրում ամոթով ենք կանգնած. Բագրատ Սրբազան](https://panorama.am/video_images/17/49501_1/f667011c804748_667011c804788.jpg)