Ձեր վստահելի աղբյուրը

«Երեխայիս պետք է տանեի ատամնաբուժի, այդ պահին կողքիս մեքենաներ են կանգնում, և դիմակներով «ռեմբոներ» դուրս գալիս՝ ասելով՝ պառկի: Այդպիսի մի շոու, որի պատվերը կամ եկել էր Նիկոլից, կամ ապիկար ոստիկանապետ Վահե Ղազարյանից»,-հրավիրված ասուլիսում հայտնեց պաշտոնաթող գնդապետ Սայաթ Շիրինյանը՝ ներկայացնելով նախրոդ օրն իրեն բերման ենթարկելու դեպքը:

Նրա պատմելով՝ Երևանում մի քանի շրջան անելուց հետո, իրենց բերման ենթարկող ոստիկանների մեքենայով հայտնվել են Մարտունու ոստիկանությունում:

Շիրինյանը շնորհակալություն հայտնեց ոստիկանության համազգեստ կրող պարկեշտ ոստիկաններին, որ Վահե Ղազարյանի և գլխավորի ստահակի կամակատարը չեն դարձել և դիմեց հակառակ պահվածք ունեցողներին:

«Մարտունու ոստիկանապետ Հակոբյան Ստյոպիկ, իմ «Սյունաց ողջյունները» քեզ, որ դու դարձել ես կամակատար»,-հայտարարեց պաշտոնաթող գնդապետը և հավելեց, որ մարտունու ոստիկանապետին ստորացրել է ոստիկանության բաժնում, իր աշխատակիցների ներկայությամբ և վերջիններս հասկացել են, որ նա տգետ, իրավաբանորեն դատարակ է, որ նա 90-ական թվականների ՀՀՇ-ի ոստիկաններիրց է, որոնք ասում էին՝ գնա բողոքի ում ուզում ես:

Նա տեղեկացրեց, որ ըստ մեղադրանքի՝ 2019 թվականին Մարտունի շրջանի Ներքին Գետաշեն գյուղում սրճեփ են գողացել և հնարավոր է իրեն պատկանող «Լեքսուս» մակնիշի մեքենայով են դա արել, բայց կարճ ճամանակից ազատ են արձակել, քանի որ  մինչև մեքենան իր սեփականությունը դառնալու ժամանակահատվածի մասին է եղել խոսքը:

Շիրինյանը պատմելով՝ Մարտունու ոստիկաանպետը թույլ չի տվել իր փաստաբանին, ընտանիքին տեղյակ պահել իր գտնվելու վայրի մասին և հայտնեց, որ դրանով ոստիկանապետը քրեադատավարական կոպիտ սխալ է թույլ տվել:

«Սաֆարյան Ստյոպիկները շատացել են, ես չգիտեի, որ այդպիսի ստյոպիկներ կան նաև ոստիկանությունում»,-նկատեց նա:

Տեղեկացնելով, որ  Մարտունու ոստիկանապետը հարցրել է, թե ինքն արդյո՞ք ցանկանում է հեղափոխություն անել՝ Սայաթ Շիրինյանը շեշտեց, որ դրանով ոստիկանությունը մտնում է քաղաքականության մեջ և հավելեց. «Հա, հեղափոխություն ենք անելու, իշխանափոխություն եմ անելու և քեզ եմ ասում, Ստյոպիկ և քո ղեկավարին՝ Վահե Ղազարյանին, այսօրվանից հաշվեք, որ իշխանափոխության մեկնարկը սկսված է և կարճ ժամանակահատվածում՝3-4 ամսում, մենք դուրս ենք գալու և այլևս չենք գնալու տուն, քանի ձեզ չենք վռնդել այստեղից: Պագոններդ ուտելուք եք, պատասխանատվության եք ենթարկվել»:

Բանախոսը նաև տեղեկացրեց, որ իրեն օրերս մի կին է զանգահարել և հայտնել, որ Մաշտոցի ոստիկանությունից զանգել են իրեն և ասել, թե ինչո՞ւ է նա հակաիշխանական քարոզչություն իրականացնում՝ Սայաթ Շիրինյանի գրառումները տարածելով: