Ձեր վստահելի աղբյուրը

Հայաստանում ամեն տարի անցկացվում են մի քանի տասնյակ փառատոներ, որոնք կոչված են հրավիրելու տեղի բնակիչների ուշադրությունը ուրախ ավանդույթների վրա (ոչխարների խուզում), ներկայացնելու նոր արտադրողների և արդեն սիրված ապրանքանիշեր (գինու փառատոններ) կամ՝ նոր թրենդ են սահմանում (մորուքի փառատոն):

Հանրության կողմից սիրված փառատոնների մեծ մասն, անկասկած, ունի գաստրոնոմիական բաղադրիչ: Հայկական հյուրընկալության բաղադրիչներից են համեղ ուտելիքի հանդեպ կիրքը, ուրախ, մտերմիկ և ընկերական մթնոլորտը: Այս ամենը   երկրում ցանկացած կարևոր իրադարձության հիմքն է  հանդիսանում:

Մեկ արտադրանքի նվիրված միջոցառումներն ու փառատոները տասնամյակներ շարունակ կիրառվող հայտնի հնարքներ են: Ամբողջ աշխարհից հավաքվող հյուրերին և մասնակիցներին հրապուրում է ոչ միայն իրենց հեղինակային տեսլականը ներկայացնելու հնարավորությունը և փորձի փոխանակումը,  այլև՝ ոլորտում օգտակար կապերի հաստատումը: Դեռևս պետք է զգուշավոր խոսել հայկական փառատոների շրջանակի և Horeca-ի վրա դրանց ազդեցության մասին, այդ առումով երկրի համար արժեքավոր են  նոր մասնակիցներ գրավող միջոցառումները:

#GARoon փառատոնը, որը ստեղծվել է որպես ձոն հայկական ավանդական մսային բաղադրիչին՝ գառան մսին, առաջացել է որպես խաշի սեզոնի ավարտից և Զատկական պահքից հետո հյուրերի և մայրաքաղաքի բնակիչների համար որակյալ սննդի միջոցառման անհրաժեշտություն: Համադամ կերակուրների գիտակներն անհամբեր սպասում են մայիսին՝ համտեսելու ամենանուրբ օրգանական գառան միսը:

2022 թվականի մայիսին փառատոնը դուրս կգա Երևանի սահմաններից և առաջին անգամ կանդրադառնա նաև սննդի և ժամանցի մարզային մեքքաներին: Փառատոնը կտևի մայիսի 1-ից հունիսի 1-ը, և յուրաքանչյուր ռեստորան կներկայացնի գառան մսով 3 բացառիկ ուտեստ։

Մենք զրուցեցինք փառատոնի մասնակիցների հետ և պարզեցինք նրանց մասնակցության շարժառիթներն ու դրդապատճառները, ինչպես նաև հյուրերի և ապագա մասնակիցների ցանկությունները։



«Մարգարյան բիզնես գրուպ» ռեստորաների  խմբի հիմնադիր և տնօրեն Կարեն Մարգարյանը նշում է, որ փառատոնը հայկական և եվրոպական ռեստորաններում 3 տարի հաջողությամբ անցկացնելուց հետո որոշվել է հրավիրել Երևանի և մարզերի առաջատար ռեստորատորների՝  ոչ միայն աշխարհագրությունն ընդլայնելու, այլեւ փառատոնի առաջատար բաղադրիչ գառան մսի՝  հեղինակային մեկնաբանության բազմազանությունն ապահովելու համար: Ինչպես նշում է ռեստորատորը, հայաստանյան սննդի հաստատված ավանդույթների ձևավորման մեջ պակասում է մրցակցային ոգին, որը կարող է նորովի խթանել ամբողջ արդյունաբերությունը:

Այս տարի «Ալյասկա», «Չինար» և «Ոստան» ռեստորանները տպավորիչ ճաշացանկ են պատրաստել փառատոնի բծախնդիր երկրպագուների համար:



Փառատոնների սիրելին ու Դիլիջանի երկու հայտնի «Թավա» և «Կճուճ» ռեստորանների հիմնադիր Վարդան Ավետիսյանը հավելում է.

«Սննդի փառատոները նոր, խոստումնալից և հայտնի ռեստորանների ու նախագծերի համար հիանալի հարթակ են. նրանք ավելի տեսանելի են դառնում, նրանց արտադրանքը գովազդվում է և համտեսվում մեծ թվով մարդկանց կողմից։ Մենք սիրում ենք մասնակցել գաստրոնոմիայի թեմատիկ փառատոններին: Մեզ հետ տանում ենք մեր շարժական աղյուսե վառարանը և բազմաթիվ  մարդկանց համար կրակի վրա պատրաստված համեղ ուտեստներ ենք պատրաստում: Մեր երկու ռեստորաններում՝ «Կճուճ»-ում և «Թավա»-յում, սնունդը պատրաստվում է աղյուսե վառարաններում:  «Կճուճ»-ում մատուցվող ուտեստները եփվում են փռի դանդաղ կրակի վրա կավե կճուճիկների մեջ, իսկ «Թավա»-յում թուջե սպասք է կիրառվում, և ուտեստները դարձյալ եփվում են փռում: Այս երկու եղանակն էլ փառատոնների ժամանակ ցնցող ազդեցություն են թողնում սննդի ավանդական պատրաստման մեթոդներով և ժամանակակից մատուցմամբ»:



Ինչպես հավելում է 2022 թվականին «Սալոն» հայտնի հայկական խոհանոցի տեղում հիմնադրված «Կիլիկիա» ընտանեկան ռեստորանի տնօրեն Վալերի Բաղդագյուլյանը.

«Փառատոնները լավ հնարավորություն են հյուրերին  ոչ միայն ռեստորանի բարելավումներին և նորամուծություններին ծանոթացնելու համար: Նաև ներկայացնում ենք հայկական սննդային ավանդույթների սեփական տեսլականը, որը հետաքրքիր է թե զբոսաշրջիկներին, թե տեղացիներին»։



Ժիրայր Ավանյանը, որի նոր «Իմ Տուն» դիլիջանյան նախագիծն արդեն հասցրել է գրավել ֆյուժն-ի հայ երկրպագուներին, վստահորեն հաստատում է իր գործընկերոջ միտքը. «Սննդի փառատոները մեծացնում են ռեստորանի ճանաչումը»։ Ինչպես մեզ ասացին ռեստորանում, այս տարի ռեստորատորն անձամբ է զբաղվում ուտեստների մշակմամբ և ծրագրում է զարմացնել երևանյան մասնակիցներին։



Մասնակիցների թվում է ռեստորանային ոլորտի վետերան The Club-ը, որը հիմնադրումից գրեթե 2 տասնամյակ անց չի վախենում դիրքերը կորցնելուց։ Համահիմնադիր Անդրանիկ Գրիգորյանն ընդգծում է, որ փառատոնի գաղափարը համընկել է ռեստորանի՝ միայն բնական և սեզոնային մթերքներից ուտեստներ պատրաստելու հայեցակարգին: «Միսը մեզ մատակարարում են կայուն անասնաբուծությամբ զբաղվող ֆերմերները: Խոհանոցը հեղինակային է, ստեղծարար, փոփոխվող՝ նոր սեզոնային ապրանքների հաճախականությամբ: Շեֆ խոհարար, իսկական հրաշագործ Հայկ Շաքարյանը չի դադարում զարմացնել իր նոր ստեղծագործություններով, բույրերի, համերի ու գույների համադրություններով»։



Backlachoff Collection-ի գործադիր տնօրեն Սուրեն Աբգարյանը փառատոնին մասնակցում է Երևանում («Չայհոնա», «Կովկասի գերուհին») և Ծաղկաձորում («Կովկասի գերուհին») գտնվող ռեստորաններով, հեղինակավոր ավելացնում է.

«Վստահաբար կարելի է ասել, որ սննդի փառատոնները  հասարակության սննդային նախընտրությունների ցանկում են։ Մենք միշտ օգտագործել ենք գառան միս մեր ռեստորաններում, ճաշացանկում կգտնեք ինչպես աղցաններ, այնպես էլ՝ գառան մսով տաք ուտեստներ։ #GARoon-ի հյուրերի համար այս մայիսին իդեալական հնարավորություն կլինի փորձել ճաշատեսակներ, ստանալ անմոռանալի գաստրոնոմիական փորձ, բացել համի նոր հորիզոններ, որոնք հազիվ թե կարողանային պատվիրել ռեստորանում»։



Առաջին անգամ Արցախից մասնակցում է 2021 թվականին հիմնադրված Tumanyan’s Art Wine House երիտասարդ ռեստորանը։ Հիմնադիր Քրիստին Բալայանի համար դա հուզիչ փորձ է:

«Մենք նորովի ենք սկսում ոչ միայն արդյունաբերությունը, այլ ընդհանրապես կյանքը: Հաճախորդների և հատկապես զբոսաշրջիկների ներգրավումը մեր առաջնահերթ խնդիրն է, և #GARoon փառատոնը շատ կօգնի դրան: Մենք միշտ փորձում ենք պահպանել արցախյան խոհանոցի ավանդույթները, բայց՝ մի քիչ ժամանակակից արվեստ ներմուծելով:  Մեր հիմնական վեկտորը միայն տեղական արտադրությունից օգտվելն է»։



Փառատոնի գինու գործընկերն է լինելու Ռինդ գյուղի (Վայոց ձոր) գինու ապրանքանիշը՝ Meyron Wine-ը։ Գինեգործարանի հիմնադիր Մհեր Տերտերյանը նշում է.

«Մենք տպավորված ենք Հայաստանի և հայկական սննդի բաղադրիչների հանրահռչակմանն ուղղված նախագծերով։ Գինին ու գառան միսը վաղուց եղել են հայ ժողովրդի սիրված համադրություններից մեկը։ Այսօր հայկական գինին աշխարհով մեկ բազմաթիվ երկրպագուներ ունի: Հուսով ենք, որ գառան մսով կերակրատեսակները նույնպես կհանրահռչակվեն»։