Ձեր վստահելի աղբյուրը

Անազատության մեջ պահվող Արմեն Գրիգորյանի  մահվան մեջ համացանցի օգտատերերը մեղադրում են օրվա իշխանություններին ու դրանց «կամակատար դարձած» դատախազներին, քննիչներին, դատավորներին։

Աժ պատգամավոր Արամ Վարդևանյանը գրում է.

«Արմեն Գրիգորյանին կալանավորելու ՈՉ ՄԻ ՀԻՄՔ չկար, գործ էիք հարուցել քննեիք: Արմեն Գրիգորյանի առողջական վիճակի մասին մշտապես բարձրացրել է իր պաշտպան Ռուբեն Մելիքյանը, բայց դատավորներ կոնկրետ անուն ազգանուններով, քննիչ ու դատախազներ կոնկրետ անուն ազգանուններով անտեսել են, որովհետև կալանքի ՖԵՏԻՇ պետք է ապահովեն: Արմեն Գրիգորյանին այսքան օր չէինք կարողացել նույնիսկ տեսակցել ՔԿՀ-ում որովհետև քննիչը գտել էր որ պետք է արգելի: Պատկերացրեցիք այսքան ամիս արգելել են:
Դատարանում մարդու մահ: Սա խելագարվելու դեպք է: Այդքան ասում ենք կալանքը մի ֆետիշացրեք..: Բառեր չեմ գտնում: Չեմ պատկերացնում պատվեր իջացնողն ու կատարողների խմբակը այսքան ապօրինությունների, իրավունքը ոչնչացնելու պայմաններում ոնց են իրենց խղճի հետ մնում..»։

ԱԺ պատգամավոր Գեղամ Նազարյանը, որի որդին զոհվել է պատերազմում, գրում է.

«Արմեն Գրիգորյան ջան, ինչ ասեմ, մեզ ներիր։ նիկոլ, արա, ինչու էլի։ Հազարավոր տղերքը, Մանվելը, հղի կինը, հիմա էլ Արմենը։ Արա փախեք։ Իրոք փախեք գնացեք»։

«Քաղաքացիական գիտակցություն ՀԿ նախագահ Նարեկ Սամսոնյանը հրապարակել է դատավոր Արուսյակ Ալեքսանյանի լուսանկարն ու գրել.

«Ծանոթացե՛ք արուսյակ ալեքսանյանն է, սույն տականքի թեթև ձեռքով այսօր դատարանի դահլիճում մահացավ Արմեն Գրիգորյանը: Սրան դատավոր է նշանակել գերագույն գլխավոր դավաճան վիժվածքի կատարածու Գագիկ Ջհանգիրյանը և դարձրել իր կոշիկի տակի շորը:
Արմեն Գրիգորյանը էս ռեժիմի հերթական զոհը դարձավ...»։



«Ապօրինության հերթական զոհը!
Ակնհայտ անհիմն ու ապօրինաբար ազատազրկված պրոդյուսեր Արմեն Գրիգորյանը քիչ առաջ մահացավ իր իսկ դատավարության ընթացքում։
Լույսերի մեջ հանգչեք, տաղանդավոր ու արդարամիտ մարդ»,-գրել է Սահմանադրական իրավունքի մասնագետ Գոհար Մելոյանը։

Տեղեկատվական անվտանգության փորձագետ, բլոգեր Տիգրան Քոչարյանը գրում է. 
«Դուք չեք կարող ազատ ոգին փակի տակ պահել։
Արմեն գնաց, ընտրելով ազատությունը, այնտեղ, արդեն երկնային կյանքում։
Ինքը գնաց` ազատ ու հաղթած..
Բոլորիդ հաղթած
Աստված հոգիդ լուսավորի, Միխալիչ»։

Փաստաբան Երեմ Սարգսյանը գրում է.

«ՍՊԱՆԵՑԻՆ ընդամենը ԽՈՍԵԼՈՒ համար, ՀԱՅՐԵՆԻՔԻ կորստի ցավից խոսելու համար»։

Փաստաբան Երվանդ Վարոսյանը գրում է. 

«Հայերին արդեն սպանում են Հայաստանում։ Արմեն Գրիգորյանի սպանությանն օժանդակած քննիչներ, դատախազներ ու դատավորներ... Բռնվեք»։

Փաստաբան Տիգրան Աթանեսյանը գրում է.  
«Դավաճանների հերթական զոհը... հանգչիր խաղաղությամբ Արմեն Միխալիչ ջան»։

ՀՀԿ փոխնախագահ Արմեն Աշոտյանը գրում է.

«Արմեն Գրիգորյանը մահացավ… Շոկ, զայրույթ, անճարություն… Արմենը դարձավ Նիկոլի հերթական զոհը, ում փրկել չկարողացանք…

Աստված հոգիդ լուսավորի, Արմեն ջան…
Ցավակցում եմ ընտանիքին, հարազատներին և ընկերներին»։

«Հայրենիք» կուսակցության խոսնակ Սոս Հակոբյանը գրում է.

«Բազմաթիվ մասնագետներ անդրադարձել են Արմեն Գրիգորյանին վերագրվող արարքի և իր կողմից հնչեցրած խոսքերի միջև քրեաիրավական կապի բացակայությանը...

Հետևաբար, այո՛, Արմեն Գրիգորյանի մահը իշխանությունների և որոշում կայացրած դատավորի ուսերին է:
Շատ ցավալի է....»։

Ռուբեն Մխիթարյանը գրում է.

«Արմենը չմահացավ, Արմենին սպանեցին: Մի վախեցեք, ձևակերպումը ճիշտ տվեք՝ Արմենին ՍՊԱՆԵՑԻՆ: Սպանեցին ցինիկաբար և «ժողովրդի» տված մանդատով՝ այնպես, ինչպես սպանեցին հղի աղջկան և 4000-ից ավել ջահելի: Իսկ վաղը նրան հուղարկավորելու կգան բազմաթիվ նախկին квн-շիկներ, որոնք 4 տարի է լուռ հետևում են, թե ինչպես է կործանվում երկիրը: Կգա նաև Ալենը ու կբերի երևի ամենամեծ պսակը: Կգան Արմենի նախկին գործընկերները, որոնց մեծ մասը 4 տարի է ծպտուն անգամ չի հանել ոչ մի բանի վերաբերյալ, ԵՐԲԵՔ: Նրանք բոլորով կտանեն ու կթաղեն Արմենին: Արմենի հետ էլ կթաղեն իրենց «տղամարդկությունը»: Վերջնականապես»։

ԱԺ պատգամավոր Անդրանիկ Թևանյանը գրում է. 

«Նիկոլ Փաշինյանը՝ սերիական մարդասպան։

Քիչ առաջ դատարանի դահլիճում մահացավ Արմեն Գրիգորյանը՝ КВН–ի մեր հայտնի թիմի անդամը։
Արմենը վատառողջ էր։ Նրան ապօրինաբար կալանավորել էին։
Արմենը Նիկոլի հերթական զոհն է։

Նիկոլն իշխանության եկավ ու մահեր բերեց։ Սկսած կալանավայրում մահացած լրագրողից վերջացրած պատերազմով, հղի կնոջը վրաերթի ենթարկելով ու այսօր արդեն Արմենով։
Ու որպեսզի Արմենն այս մարդասպան իշխանության վերջին զոհը դառնա, պետք է օր առաջ վերացնել այս մահաբեր մեքենան»։

«Իրազեկ և պշտպանված սպառող» ՀԿ նախագահ Բաբկեն Պիպոյանը գրում է.

«Դատարանում, որտեղ էմոցիոնալ բարձր ֆոն է, չունենալ առաջին բուժ օգնություն ցուցաբերո՞ղ: Հետն էլ այն դեպքում, երբ գիտեք, որ կան բազմաթիվ առողջական խնդիրներ ունեցող անձի՞նք»։

«Հայ Ձմեռ պապ» բարեգործական հիմնադրամի տնօրեն Արմինե Պետրոսյանը գրել է.

«Հանցագործ համակարգի հերթական զոհը։
Մարդասպանությունն արդեն ջուր խմելու պես բան ա դարձել։
Իրավապաշտպաններն ասելիք չունե՞ն»։

Լուսանկարն արվել է այսօր դատարանի դահլիճում։ Հեղինակը լրագրող Սյուզի Բադոյանն է։