![](https://panorama.am/news_images/912/2734655_1/4bpud8e10599f319p9w_800c450.thumb.jpg)
Օր առաջ պետք է վավերացնել Հռոմի Ստատուսը՝ Ալիևին որպես ագրեսոր հայց ներկայացնելու համար․ իրավաբան
ՀՀ ինքնիշխան և սուվերեն սահմանը խախտվել է, ինչը հենց ագրեսիայի սահմանումն է։ Այս մասին Panorama.am-ի հետ զրույցում ասաց իրավաբան Նազելի Վարդանյանը՝ նշելով, որ անհրաժեշտ է օր առաջ թշնամի երկրի ղեկավարին կանգնեցնել միջազգային դատարանի առջև՝ որպես ագրեսոր։
«Այս ամենը տեղի է ունեցել ագրեսոր երկրի կողմից և դա միջազգային նորմերի խախտում է։ Եթե հանցագործությունը չկանխվի,ապա դա կծնի նոր հանցագործություններ։ Այս ամենը պետք է կանխել՝ նոր ագրեսիաներ չկրկվելու համար»,- ասաց Վարդանյանը։
Իսկ թե ինչ հնարավորություններ կամ ճանապարհներ կան, իրավաբանի ասաց՝ ՀՀ ԱԺ-ն պետք է անհապաղ վավերացնի Հռոմի Ստատուսը, որը հնարավորություն կտա դիմելու Հաագայի քրեկան դատարան։
«Քրեական դատարանի առաջին հայտը պետք է լինի Ալիևին որպես ագրեսոր ճանաչելու և դատապարտելու հայցը։ Հակառակ դեպքում այս ամենը շարունական է լինելու, քանի որ իրենք ունեն մշկական ուժեղ գորընկեր՝ ի դեմս Թուրքիայի։ Իսկ մենք հույսներն մեր վրա պետք է դնենք»,- ասաց Վարդանյանը։
Նրա կարծիքով թշնամու ագրեսիան հնարավոր է կանգնեցնել միջազգային իրավունքի ուժով։ ՄԱԿ-ի կանոնադրությամբ նույնպես ագրեսիան դիտվում է մարդկության դեմ հանցագործություն։
«Մենք այս հիմքով ևս կարող ենք դիմել ՄԱԿ-ի կառույցներին և ՄԱԿ-ը հատուկ դատարան կարող է ստեղծել, նման օրինակներ կան՝ Ռուանդայի դեպքում կամ Հարավային Թիմորի դեպքում»-հավելեց նա։
Իրավունքի ոլորտի մասնագետը տեսնում է այս երկու ճանապարհները, որոնք կարող ենք օգտագործել այս պահին։ Մեկը ՄԱԿ-ի մեխանիզմերը՝ հատուկ դատարան ստեղծելով,իսկ երկրորդն անհապաղ վավերացնել Հռոմի ստատուսը։
«Հռոմի Ստատուսը վավերացնելու գործընթացը պետք է սկսել անհապաղ՝ Հաագայի դատարան դիմելու հնարավորություն ունենալու համար։ Դա մի քանի րոպեի գործ է, որը կարող է անել ՀՀ ԱԺ-ը։ Տեղի ունեցողը ողջ աշխարհի համար վատ օրինակ է, նշանակում է որ երկիրը հարևանի հետ ունի տարածքային խնդիր, իսկ դա ունեն գրեթե բոլոր երկրները, հարցերը պետք է լուծի զենքով և պատերազմով։ Սա վատ նախադեպ է ողջ աշխարհի համար և դրա գնահատականը պետք է տրվի»։
Նազելի Վարդանյանը նաև ավելացրեց, որ այս ամենը պետք է իրականացվի պետական մակարդակով։ Փաստաբանները կարող են աջակցել, բայց, ի վերջո, պետության մակարդակով իրականացվող խնդիր է։
Նշենք, որ Հաագայի դատարանն առաջին միջազգային մարմինն է, որը քննում է ցեղասպանության, ռազմական հանցագործությունների, մարդկության դեմ ուղղված հանցագործությունների, ինչպես նաև ռազմական ագրեսիայի հանցագործություններ:
Դատարանը ստեղծվել է 1998 թվականին ընդունված Հռոմի Ստատուսի հիման վրա՝ 2002 թ.-ին: Հայաստանը Հռոմի Ստատուտը ստորագրել է 1999 թ-ին, բայց դատարանի կանոնադրության մասին համաձայնագիրը մինչ օրս չի վավերացրել կամ ասել է թե՝ դատարանի իրավազորությունը չի ճանաչել:
Իսկ ԱԺ-ում չեն շտապում քննարկել այս հարցը, փոխարենը մտածում են Էկոնոմիկայի նախարարության զուգարանների վերանորոգման համար։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)