Ձեր վստահելի աղբյուրը

Երկուշաբթի՝ հոկտեմբերի 10-ի առավոտյան, ռուսական զինված ուժերը զանգվածային հարվածներ են հասցրել Ուկրաինայի քաղաքների՝ այդ թվում նաև Կիևի վրա։ Լուրը հայտնում է unian.net-ը:

Ուկրաինայի նախագահ Վլադիմիր Զելենսկին իր Telegram ալիքում հայտնել է Ուկրաինայի ողջ տարածքում օդային տագնապի մասին։

«Հրթիռները հարվածել են օբյեկտներին քաղաքի կենտրոնում (Շևչենկովսկի շրջանում) և Սոլոմենսկի թաղամասում։ Օդային հարձակումը, հետևաբար սպառնալիքը, շարունակվում է։ Դիմում եմ մայրաքաղաքի բոլոր բնակիչներին՝ տագնապի ժամանակ մնացեք կացարաններում»,-գրել է նա։ Զելենսկին և մանրամասնել, որ ավելի լավ է անտեղի չլքել քաղաքը։ Այս պահին արգելափակված են Ուկրաինայի մայրաքաղաքի կենտրոնական փողոցները։ Աշխատանքներն են իրականացնում նաև փրկարարական և իրավապահ մարմինները։

Ուկրաինայի մայրաքաղաքի բնակիչները հայտնել են, որ Կիևում երեք պայթյուն է որոտացել։ Տարածքներից մեկում նաև ուժեղ ծխով լուսանկարներ և տեսանյութեր են եղել։

Կիևի քաղաքապետ Վիտալի Կլիչկոն հաստատել է Շևչենկոյի շրջանում տեղի ունեցած պայթյունների փաստը։

Ուկրաինայի թվային փոխակերպման նախարար Միխայիլ Ֆեդորովն իր Twitter-ում գրել է Կիևի կենտրոնի հրթիռակոծության մասին։

Լրագրողների տեղեկություններով՝ Կիևում երկու հրթիռ է ընկել, որոնցից մեկն ընկել է Վոլոդիմիրսկա փողոցում՝ Հրուշևսկու հուշարձանի մոտ։ Հրթիռն ընկել է ճանապարհին, որտեղ այդ պահին քաղաքացիական մեքենաներ են եղել։

Պայթյունների պատճառով Կիևի մետրոյի բոլոր կայարաններն աշխատում են որպես ապաստարաններ։ Կարմիր գծով գնացքների շարժը դադարեցված է:

Մետրոյի աշխատանքի վերսկսման մասին կհայտարարվի ավելի ուշ։

Պայթյուններից հետո Կիևի բնակիչները հայտնել են էլեկտրաէներգիայի և ինտերնետի ընդհատումների մասին։

Դնեպրում մի քանի պայթյուն է որոտացել։ Քաղաքից ծուխ է բարձրանում։
Օդային հարձակման ժամանակ լսվել է առնվազն հինգ պայթյուն։ Ականատեսների վկայությամբ՝ պայթյունից հետո հրդեհ է բռնկվել։

«Ժիտոմիրում պայթյունների ձայներ են բնակիչներին հորդորել են թաքստոցից դուրս չգալ»,-ասվում է հաղորդագրության մեջ։

Հայտնի է նաև Խմելնիցկիում պայթյունների ձայների մասին։

«Խմելնիցկիի շրջանում պայթյուններ են լսվել, հակաօդային պաշտպանությունն աշխատում է, հոգ տարեք ձեր մասին, մնացեք ապաստարաններում»,- գրել է Խմելնիցկու ղեկավար Սերգեյ Գամալին իր Telegram ալիքում։

Խմելնիցկու որոշ միկրոշրջաններում անջատվել է էլեկտրամատակարարումը։

Հոկտեմբերի 10-ի առավոտյան Լվովում և նրա շրջաններում պայթյուններ են որոտացել։ Քաղաքի որոշ շրջաններում հոսանքազրկվել է.

Քաղաքում պայթյունների փաստը հաստատել է նաև քաղաքապետ Անդրեյ Սադովոյը։ Նրա խոսքով՝ քաղաքում հակաօդային պաշտպանությունն է աշխատում։

Միևնույն ժամանակ, Լվովի Telegram ալիքները հայտնում են էներգիայի մատակարարման հետ կապված զանգվածային խնդիրների մասին։

Ուկրաինայի քաղաքներում տեղի ունեցած պայթյունների հետևանքով կան զոհեր