Ձեր վստահելի աղբյուրը

Ընդդիմադիր «Հայաստան» և «Պատիվ ունեմ» խմբակցությունների դեմ ձայներով ԱԺ-ն հաստատեց նիստերի օրակարգը և անցավ նախագծերի քննարկումներին:

«Նախագծի ընդունումը պայմանավորված է ընտանեկան սոցիալական նպաստի, հրատապ օգնության վճարման գործընթացի բարելավմամբ և պետական բյուջեից ծախսերի նվազեցման անհրաժեշտությամբ, ինչպես նաև սոցիալական էլեկտրոնային փողի հաշվին միջոցները կանխիկացնելու հնարավորության դադարեցմամբ»-ԱԺ այսօրվա նիստում հայտնեց աշխատանքի և սոցիալական հարցերի նախարարի տեղակալ Դավիթ Խաչարյանը:

Նա ներկայացրեց «Պետական նպաստների մասին» օրենքում լրացումներ և փոփոխություններ կատարելու և «Պետական կենսաթոշակների մասին» օրենքում փոփոխություններ կատարելու մասին նախագծերը:

Փոխնախարարը հիշեցրեց, որ սոցիալական էլոկտրոնային փողերի կանխաիկացման բացառությունները գործելու են մինչև 2023 թվականի փետրվարի 1-ը:

«Ընտանեկան և սոցիաալական նպաստների, ինչպես նաև հրատապ օգնության գումարների վճարումն իրականացվում է կանխիկ և անկանխիկ եղանակներով»,-հայտնեց Խաչատրյանը և հիշեցրեց, որ 2021 թվականից կենսաթոշակները և սոցիալական վճարները վճարվում են բացառապես անկանխիկ եղանակով, շահառուի դիմումի համաձայն այն կանխիկ վճարվում է առաջին և երկրորդ կարգի հաշմանդամություն ունեցողներինև 75 տաին լրացած կենսաթոշակառուներին:

Ըստ փոխնախարարի՝ կառավարությունը նպատակահարմար է համարում անկանխիկի վճարման համակարգը տարածել ընտանեկան և սոցիալական նպաստների վրա՝ հաշվի առնելով կենսաթոշակների անկանխիկ եղանակով վճարման համակարգի ներդրման ժամանակացույցը:

«Նախագծով առաջարկվում է ընտանեկան և սոցիալական նպաստի, ինչպես նաև հրատապ օգնության գումարների վճարումը 2023 թվականի հունվարի 1-ից քաղաքներում և 1000-ից ավել բնակչություն ունեցող գյուղական բնակավայրերում, իսկ 2024 թվականից մինչև 1000 բնակիչ ունեցող բնակավայրերում իրականացնել անկանխիկ եղանակլով»,-հայտնեց Դավիթ Խաչատրյանը:

Հայտնելով որ ազգային օպերատորը անկանխիկ եղանակով թոշակներ կարող է տրամադրել միայն 2023 թվականի փետրվարի 1-ը՝ փոխնախարարը հայտնեց, որ կենսաթոշակները, նպատսներն անկանխիկ եղանակով փետրվարի 1-ից վճարվելու են միայն բանկերի միջոցով՝ Խաչատրյանն ասաց. «Նախագծի ընդունման միջոցով կնվազեն պետական բյուջեից ծախսերը, քանի որ բանկերի միջոցով կենսաթոշակներ, նպաստներ վճարելիս ծառայության միջնորդավճարներ չեն սահմանվում»,-ասաց Դավիթ Խաչատրյանը և տեղեկացրեց, որ 1.8 միլրդ դրամի է հասել կենսաթոշակառուների կատարած անկանխիկ գործարքի ծավալները: