Պետական գաղտնիք ստանալու համար պատգամավորին ասում են՝ պետք է ստուգվես՝ շիզոֆրենիկ ես, թե ոչ. Արծվիկ Մինասյան
«Պետական գաղտնիքի վերաբերյալ իրավական կարգավորումներն իսկապես չափազանց կարևոր են, հատկապես այն իրավիճակերում, որում մեր երկիրն է հայտնվել»,- ԱԺ-ում «Պետական գաղտնիքի մասին» և կից ներկայացված օրենքների նախագծերի փաթեթն առաջին ընթերցմամբ ընդունելու մասին հարցի քննարկմանն ասաց «Հայաստան» խմբակցության քարտուղար Արծվիկ Մինասյանը։
Նա նշեց, որ հաճախ են տեսնում հրապարակումներ, որ հարուցված են քրեական գործեր առերևույթ պետական դավաճանության մասով։ Ըստ պատգամավորի, սա ևս մեկ անգամ վկայում է այն մասին, որ այս իրավակարգավորումները չափազանց կարևոր են։
Ա. Մինասյանն ասաց, որ այս օրենսդրական նախագիծը բավարար հստակություն և անվտանգային տեսակետից ուղղվածություն, որ ապահովի այդ ամենը, չունի։
«Անորոշության պայմաններում անհնար է պատկերացնել, թե ի վերջո որոնք են այն տեղեկությունների ծավալը, տեղությունների ուղղվածությունը, որոնք մինչև խորքը կարող են գնահատվել որպես գաղտնիք, որպեսզի հետագայում էլ գաղտնագրման չափորոշիչները լինեն տրամաբանական։ Ի դեպ, որևէ չափորոշից ներկայացված չէ օրենքում, թողնված է ընդլայնված գերատեսչական ցանկերի վրա։ Իսկ այդ ցանկերը ներկացանում են պետական ղեկավարների մարմիններ, ՏԻՄ ղեկավարները, բայց ի՞նչ չափանիշից ելնելով՝ հստակություն չկա։ Արդյունքում ստացվում է ՝ ցանկացած մեկը կարող է ԱԱԾ-ին առաջարկել ինչ-որ մի իր, անձնական կամ իր շրջապատին վերաբերող տեղակատվությունը համարել պետական գաղտնիք։Արդյունքում պետական պաշտպանության ենթակա անձի կոշիկի չափսը կարող է համարվել պետական գաղտնիք»,- ասաց պատգամավորը։
Նա մեկ այլ խնդրի մասին էլ խոսեց. «Առաջնային մանդատով օժտված անձինք՝ պատգամավորները, ովքեր ընտրում են երկրի ղեկավար՝ նախագահ կամ վարչապետ, այս անձանց օրենքի ուժով տրվում է պետական գաղտնիք ստանալու իրավունք, պատգամավորին ասում են՝ պետք է գաս, թույլտվության ռեժիմով անցնես, ստուգվի առողջապահական տեսակետից դուք արդյո՞ք շիզոֆրինիկ եք, թե՞ չէ։ Բա այդ անձինք ստուգվո՞ւմ են։
Ի դեպ, ասեմ։ Շատ պատգամավորների մասով ես վերապահումներ ունեմ, դրա մասին բարձրաձայն ասել եմ։ Պաշտոնապես դիմել եմ ԱԱԾ, ստացել եմ պատասխան՝ ոչ մեկի պետական գաղտնիքի թույլատվությունը դադարեցված չի եղել, բայց մենք անընդհատ ԱԱԾ կողմից մերժում ենք ստանում այս կամ այն տեղեկատվությունը ստանալու համար։ Այս անորմալ իրավիճակին պետք է վերջ տրվի։
Չափազանց կարևոր է՝ նրանք, ովքեր իսկապես վտանգ են ներկայացնում՝ կլինի պատգամավոր, նախարար, վարչապետ, նախագահ կամ որևէ անձ, եթե վտանգ են ներկայացնում, օր առաջ պետք է ազատվեն այդ պաշտոններից ու ենթարկվեն պատասխանատվության»։
Լրահոս
Տեսանյութեր
Դատարանի դահլիճում Վ. Սաղաթելյանին ու Ն. Սամսոնյանին դիմավորեցին ծափահարություններով
