![](https://panorama.am/news_images/929/2785639_1/f5f8e95cbbc51f_5f8e95cbbe6c9_thumb_v1_902.thumb.jpg)
Արա Զոհրաբյանը դիմել է դատարան՝ սեպտեմբերին ռազմական դրություն չհայտարարելը ոչ իրավաչափ ճանաչելու պահանջով
Փաստաբանների պալատի նախկին նախագահ Արա Զոհրաբյանը, որն այժմ «Զարթոնք» ազգային քրիստոնեական կուսակցության նախագահն է, դիմել է վարչական դատարան՝ անցած տարվա սեպտեմբերի 13-ին Ադրբեջանի Հանրապետության զինված ուժերի կողմից Հայաստանի Հանրապետության վրա զինված հարձակման կապակցությամբ ռազմական դրություն հայտարարելու փոխարեն Հայաստանի Հանրապետության կառավարության դրսևորած անգործությունը ոչ իրավաչափ ճանաչելու պահանջով։
Panorama.am-ը Դատալեքսից տեղեկացավ, որ վարչական դատարանի դատավոր Աղասի Դարբինյանն անցած տարվա դեկտեմբերի 22-ին հայցադիմումը վարույթ ընդունելու մասին որոշում է կայացրել։
«Արա Գագիկի Զոհրաբյանի և «Զարթոնք» ազգային քրիստոնեական կուսակցության կողմից ներկայացված հայցադիմումն ընդդեմ Հայաստանի Հանրապետության կառավարության՝ անգործությունը ոչ իրավաչափ ճանաչելու պահանջի մասին, ընդունել վարույթ և նախնական դատական նիստ նշանակել 2023 թվականի մայիսի 25-ին ժամը՝ 12:45-ին, Հայաստանի Հանրապետության վարչական դատարանի Երևան քաղաքի նստավայրում:
Որոշումն ուժի մեջ է մտնում կայացման պահից և ենթակա չէ բողոքարկման»,-ասված է որոշման մեջ։
Պաշտոնական տվյալների համաձայն, Ադրբեջանի կողմից Հայաստանի դեմ սանձազերծած ագրեսիայի հետևանքով ավերվել կամ վնասվել են համայնքապետարանի շենք, հրշեջ փրկարական ջոկատի շենք, դպրոց, 3 հյուրատուն, հանդիսությունների սրահ, 100-ից ավելի սեփական բնակելի տուն, անասնագոմեր, ջերմոց, մեկ տասնյակի հասնող քաղաքացիական ավտոմեքենաներ, ավտոճանապարհներ, այրված խոտածածկ և անտառածածկ մեծ տարածքներ, պտղատու այգի, և այլն։
Բացի այդ, վնասվել են Գեղարքունիքի, Վայոց ձորի և Սյունիքի մարզերում տեղակայված 6 զորամաս, ռազմական օբյեկտներ և տեխնիկա, այդ թվում՝ բուժծառայության 2 ավտոմեքենա:
Ադրբեջանի կողմից իրականացրած ագրեսիայի հետևանքով հայկական կողմից զոհվել է 224 անձ, այդ թվում՝ 3 քաղաքացիական անձ, անհայտ է 3 զինծառայողի գտնվելու վայրը։
Հարակից հրապարակումներ`
- ՔԿ. Սեպտեմբերին թշնամու կողմից ռազմական ագրեսիայի քրգործի շրջանակում 16 մեղադրյալ կա, որից վեցը կալանավորված են
- Ադրբեջանի հետ բանակցություններ են տարվում սեպտեմբերի ագրեսիայից հետո 3 անհետ կորածների մարմինները գտնելու ուղղությամբ. Սարգսյան
- Սեպտեմբերի 13-ի ադրբեջանական ագրեսիայի հետևանքով հայկական կողմն ունի 224 զոհ. ՀՀ ՔԿ
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)