![](https://panorama.am/news_images/935/2803527_1/35fa9d9_v1_thumb_v1.thumb.jpg)
Հերթական ծանրագույն հանգրվանում ենք` անկանխատեսելի հետևանքներով․ Տիգրան Աբրահամյան
ԱԺ պատգամավոր Տիգրան Աբրահամյանը գրում է․
«Արցախի նախագահն այսօր հայտարարել է, որ «ադրբեջանական կողմը իր խողովակներով փոխանցել է մեզ, որ կամ ընդունում եք ինտեգրացիոն քաղաքականությունը, կամ առկա խնդիրներին որևէ լուծում չի լինելու, հակառակը՝ լինելու են ավելի կոշտ և կտրուկ քայլեր»:
Այս հեռանկարի ու Ադրբեջանի իրական նպատակների մասին բազմիցս զգուշացրել եմ:
Ամենատարբեր առիթներով բարձրաձայնել եմ, ահազանգել, որ Ադրբեջանի իրական նպատակը ոչ թե Արցախի հետ հավասար հարաբերությունների ստեղծումն ու առկա խնդիրների կարգավորումն է, այլ սեփական պատկերացումների միջոցով Արցախի ադրբեջանացմանը հասնել:
Հիմա նոր Արցախի իշխանությունը ազդանշան է հղում առ այն, որ Ադրբեջանը սպառնում է «կոշտ ու կտրուկ» քայլերի անցնել. մի բան, որն ակնհայտ էր դեռ 2020-ի 44-օրյա պատերազմից անմիջապես հետո, երբ Ադրբեջանն առաջին անգամ նոյեմբերի 9-ի եռակողմ փաստաթղթի կոպիտ խախտում արեց ու վերահսկողություն հաստատեց Հադրութի շրջանի Խծաբերդ ու Հին թաղեր գյուղերի նկատմամբ:
2-3 տարի է ՀՀ իշխանությունը հասարակությանն ակնհայտ մոլորեցնում է տարաբնույթ «խաղաղասիրական» օրակարգերով, իսկ իրականում նոր պատերազմ, նոր զոհեր բերում:
Արցախի իշխանությունը որոշակի պարբերությամբ թվացյալ դիմադրություն է ցույց տալիս ՀՀ իշխանության դավադիր քաղաքական կուրսին, սակայն ամենապատասխանատու փուլում «կուլ գնում» և հնազանդվում Երևանից իջեցվող չափազանց վտանգավոր օրակարգերին:
Հերթական ծանրագույն հանգրվանում ենք` անկանխատեսելի հետևանքներով»:
Հարակից հրապարակումներ`
Լրահոս
Տեսանյութեր
![Մի՛ լռեք «Բաբոն Տեր ա» նախաձեռնությունը լուռ ակցիա է իրականացնում](https://panorama.am/video_images/16/47179_1/f662d14152aa04_662d14152aa44.png)
![«Սև հովազ» ջոկատի ազատամարտիկներն այսօր Տավուշում են](https://panorama.am/video_images/16/47157_1/f662cf6aaeef07_662cf6aaeef47.png)
![Տավուշը հասցրեցինք անշրջելիության կետի. Սուրենյանց](https://panorama.am/video_images/16/47147_1/f662cefee5be0b_662cefee5be4a.jpg)