![](https://panorama.am/news_images/936/2807471_1/7328.thumb.jpg)
Դելիում սպասվում է կանանց բռնցքամարտի աշխարհի առաջնության բացման հանդիսավոր արարողությունը
Հնդկաստանի մայրաքաղաք Դելիում այսօր տեղի կունենա կանանց բռնցքամարտի աշխարհի առաջնության բացման հանդիսավոր արարողությունը: Այս մասին հայտնում է ՀԱՕԿ-ը։
«Հայաստանի հավաքականը, վաստակավոր մարզիչ Ռաֆայել Մեհրաբյանի գլխավորությամբ, արդեն մրցավայրում է և հարամարվել է պայմաններին: Հիշեցնենք մեր թիմի կազմը՝ Գայանե Տեր-Բարսեղյան / 48 կգ /, Անուշ Գրիգորյան / 50 կգ /, Եկատերինա Սիչևա / 54 կգ / Էլիդա Քոչարյան / 60 կգ /, Սոնա Հարությունյան / 63 կգ / և Անի Հովսեփյան / 70 կգ /:
Արդեն մամլո ասուլիս է հրավիրել բռնցքամարտի միջազգային ֆեդերացիայի / IBA / նախագահ Ումար Կրեմլյովը: Նա մասնավորապես ասել է, որ ամեն բան արվել է մրցաշարի կազմակերպական հարցերին լիակատար լուծում տալու համար: Մրցումների ամբողջ ընթացքը լինելու է թափանցիկ և արդար, նպատակով, որ արժանիները դառնան մեդալակիր: Մրցանակային հիմնադրամը 2,5 ԱՄՆ դոլարի է հավասար:
Մասնակցության առումով ռեկորդ է գրանցվել: Սովորաբար կանանց աշխարհի նախորդ առաջնություններին մասնակցել են 256-ական մարզուհիներ: Այս անգամ հայտավորվել է 333 մասնակից:
Մենամարտերի ընթացքին կհետևեն նաև միջազգային օլիմպիական կոմիտեի պատվիրակները:
Վաղը՝ մարտի 16-ին, նշանակված են նախնական փուլի հանդիպումները, իսկ եզրափակիչ մենամարտերը կկայանան մարտի 26-ին»,- տեղեկացնում են կոմիտեից։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)