Ահազանգ․ Իջևանի գինու, կոնյակի գործարանը ինքնակամ, ապօրինի մեծ շինարարությամբ ավերել է Աղստև գետի հունը,վնասներ պատճառել դենդրոպարկին
Տավուշի մարզից լրագրող Ոսկան Սարգսյանը գրում է․
«Իջևանի գինու, կոնյակի գործարանը ինքնակամ, ապօրինի մեծ շինարարությամբ ավերել է Աղստև գետի հունը, ափը,մեծ պատ կառուցել, Իջևանի դենդրոպարկի ջրառը՝ ջրազրկել։
Դրա հետևանքով Իջևանի դենդրոպարկի հազվագյուտ, արժեքավոր ծառերի ու թփերի կեսը չորացել է։ Իջևանի գինու,կոնյակի գործարանը այդ պատճառով տուգանվել է 200 հազար, ապա՝ 2,5 միլիոն դրամի չափով։ ՀՀ քննչական կոմիտեն այդ կապակցությամբ 2021թ․ հոկտեմբերին քրեական վարույթ է նախաձեռնել, սակայն շուրջ տարիուկեսվա քննության ընթացքում որևէ մեկին մեղադրանք չի առաջադրել։
Ավելին՝ 2023թ․ փետրվարի 2-ին բուսաբանական այգու կարգավիճակ ունեցող դենդրոպարկի տարածքից 5,7 հեկտարը որպես հանգստի գոտի օգտագործելու համար «Արգելոցապարկային համալիր» ՊՈԱԿ-ը վարձակալության պայմանագրով տվել է Իջևանի գինու, կոնյակի գործարանին։
Լուսանկարում վարչապետ Նիկոլ Փաշինյանի կողքին քայլողը Իջևանի գինու, կոնյակի գործարանի սեփականատեր, տնօրենների խորհրդի նախագահ Էմին Եղիազարյանն է»։
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ