![](https://panorama.am/news_images/937/2808844_1/1573165301_0_172_3031_1877_1920x0_80_0_0_f193847894d7b177fbcb79992ebc9625.thumb.jpg)
Սերբիայի ԱԳՆ-ն հայտարարել է աշխարհում աշխարհաքաղաքական իրավիճակի սրման մասին
Աշխարհաքաղաքական իրավիճակն աշխարհում սրվել է այն աստիճան, որ համաշխարհային տերությունները զինված հակամարտության եզրին են։ «Ռիա Նովոստի»-ի փոխանացմամբ, հայտարարել է Սերբիայի առաջին փոխվարչապետ, արտաքին գործերի նախարար Իվիցա Դաչիչը։
«Նախկինում խոսքը սառը պատերազմի մասին էր, հիմա արդեն մոտենում է մեծ ուժերի (համաշխարհային տերությունների-խմբ.) միջև զինված հակամարտության առաջացման սահմաններին։ Այս ամենում մեր խնդիրն է դիտարկել իրավիճակը և ապահովել մեր ներքին անվտանգությունը, երկրի կայունությունը և խաղաղության պահպանումը»,- ասել է Դաչիչը։
Միաժամանակ նա նշել է, որ Սերբիայում անվտանգության ոլորտում ներկայիս իրավիճակը կայուն է։
Ըստ աղբյուրի՝ Սերբիայի նախագահ Ալեքսանդր Վուչիչը նախօրեին մտահոգություն է հայտնել Հաագայում Միջազգային քրեական դատարանի՝ ՌԴ նախագահ Վլադիմիր Պուտինին և օմբուդսմեն Մարիա Լվովա-Բելովային կալանավորելու որոշման հետևանքների կապակցությամբ:
Նրա խոսքով՝ Արևմուտքը ՄՔԴ որոշմամբ լրացուցիչ ճնշում է գործադրում ՌԴ-ի հետ համագործակցող երկրների վրա, ինչի օրինակ է վերջին շրջանում Թուրքիայի եւ Հունգարիայի դիրքորոշման փոփոխությունը:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)