![](https://panorama.am/news_images/943/2826752_1/vtar_1.thumb.jpg)
Երկու մարդու մահվան պատճառ դարձած ավտովթարի փաստով նախաձեռնվել է քրեական վարույթ
Քննչական կոմիտեի Արագածոտնի մարզային քննչական վարչությունում իրականացվում է քննություն՝ Երևան-Գյումրի ավտոճանապարհին տեղի ունեցած՝ երկու անձի մահվան ելքով ճանապարհատրանսպորտային պատահարի դեպքի հանգամանքները պարզելու ուղղությամբ:
ՔԿ-ից հայտնում են, որ ապրիլի 24-ին՝ ժամը 16։00-ի սահմաններում, Երևան-Գյումրի ավտոճանապարհի 63-րդ կմ հատվածում միմյանց են բախվել Շիրակի մարզի 23-ամյա բնակչի վարած «Վազ 2115» և Լոռու մարզի 31-ամյա բնակչուհու վարած «Նիսսան» մակնիշի ավտոմեքենաները, որի հետևանքով «Վազ 2115» մակնիշի ավտոմեքենայում գտնվող երկու 21-ամյա ուղևորներից մեկը տեղում մահացել է, իսկ մյուսը մարմնական վնասվածքներով տեղափոխվել է բժշկական կենտրոն, որտեղ ժամը 19:40-ի սահմաններում, գիտակցության չգալով, մահացել է։ Հիշյալ ավտոմեքենաների վարորդները տեղափոխվել են բժշկական կենտրոններ:Նրանցից մեկի վիճակը գնահատվել է բավարար, մյուսինը՝ ծանր։
Դեպքի առթիվ ՀՀ քննչական կոմիտեի Արագածոտնի մարզային քննչական վարչությունում ՀՀ քրեական օրենսգրքի 342-րդ հոդվածի 2-րդ մասով նախաձեռնվել է քրեական վարույթ:
Նախաքննության ընթացքում կատարվել է դեպքի վայրի և ճանապարհատրանսպորտային միջոցների զննություն, նշանակվել են դիակների դատաբժշկական փորձաքննություններ: Ստուգվել է վարորդների սթափության աստիճանը, ըստ որի՝ վերջիններս եղել են սթափ վիճակում:
Նախաքննությունը շարունակվում է: Իրականացվում են վարութային և ապացուցողական գործողություններ՝ դեպքի բոլոր հանգամանքները պարզելու ուղղությամբ։
Ծանուցում.հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հարակից հրապարակումներ`
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)