Ձեր վստահելի աղբյուրը

«Երրորդ և հաջորդ երեխաների ծնելիության թվով 2005 թվականից սկասած մենք ունենք ռեկորդային ցուցանիշ՝ 2022-թ ամփոփմամբ Հայաստանում ծնվել է 11956 երրորդ և հաջորդ երեխա»,-կառավարության նիստում հայտնեց Աշխատանքի և սոցիալական հարցերի նախարարի տեղակալ Դավիթ Խաչատրյանը:

Նրա խոսքով՝ 2005 թվականին նրանց թիվը եղել է 5260, 2018թ՝ 8271 երեխա:

«Այսինքը 5 տարվա մեջ երրորդ և հաջորդ երեխաների 50% աճ ունենք, և նրանք կազմում է երեխաների թվի 33%-ը»,-տեղեկացրեց փոխնախարարը:

Նա նաև հիշեցրեց, որ ծնելիությոնը պետք է 2.11 գործակից ապահովի, որպեսզի բնակչության բնական աճ ապահովվի և 1994 թվականից ի վեր առաջին անգամ 2022թվականին գրանցվել է  1.738 գործակից:

«Իհարկե 3-րդ և հաջորդ յուրաքանյուր երեխայի ծանվելու աջակցության ծրագիրը, նպատակ ունի խթանել 1-ին և 2-րդ երեխաների ծնունդը, որովհետև առանց 1-ին և 2-րդը ունենալու հնարավոր չէ ունենալ 3-րդ երեխան, բարեբախտաբար»,- նախարարին լրացրեց Նիկոլ Փաշինյանը և հայտնեց, որ այդ բոլոր ծրագրերը պետք է մոնիթորինգ արվի: