Ձեր վստահելի աղբյուրը

«Եկեք ընդունենք, որ իշխանությունները ներքին թշնամիներ են և դրսի քաղաքական կենտրոններից նշանակված մարդիկ են, ես դեմ եմ այն կարծիքին, որ հայ ժողովուրդն է բերել այս իշխանություններին»,-«Հայելի» մամուլի ակումբում ասաց «Քաղաքացիական գիտակցություն» ՀԿ նախագահ Նարեկ Սամսոնյանը:

Նրա խոսքով՝ իշխանություններին վտանգ ներկայացնող ցանկացած մարդ կարող է ձերբակալվել, ներառյալ ինքը քանի որ իր վրա կա քրեական գործ և կարող են ամեն քայլափոխի ձերբակալվել:

«Չեմ զարմանում Գարիկ Գալեյանի ձերբակալման լուրը լսելիս, պարզապես պետք է պարզել թե ինչ պատրվակով են ձերբակալել»,-ասաց Սամսոնյանը և հիշեցրեց, որ նախորդ օրը ձերբակալել էին Միկա Բադալյանին և Աշոտ Գևորգյանին:

Նրա խոսքով՝ իշխանությունն ինչքան զգա մոտալուտ վախճանը այնքան ավելի հաճախ է դիմելու նմանատիպ քայլերի:

«ԱԺ նախագահի պաշտոնին սոսնձված խուլիգան ինչ-որ մեկը կա, որը մարդկանց վրա փողոցներում թքում է ու ասում է, որ լավ է անում: Այդ կենդանակերպի ներկայացուցիչների կողմից սկսվեց լեզվակռիվ Մարիա Զախարովայի հետ»,-ասաց բանախոսը և հավելեց. «ՀՀ ԱԺ նախագահի պաշտոն զբաղեցնող մարդը  «Ֆորբս» ամսագրում ամենաազդեցիկ կանանց ցուցակում հայտնված մարդու մասին ասում է «ինչ որ քարտուղարուհի»: Անգրագիտության աստիճանին նայեք: Ալեն Սիմանյանի համար ՄԱԿ-ի քարտուղարն էլ է քարտուղարուհի, կամ Պետդեպարտամենտինը: Քարտուղարուհին հենց ինքն է՝ տարատեսակ ինչ-որ բաներ պատվիրելու տարատեսակ սեռական շեղումներով:

Չի կարող մի երկիր, որը պատերազմից հինգ պակաս վիճակում է և պետք է այսպես, թե այնպես իր հույսը դնի ռազմավարական գործընկերոջ վրա, որովհետև ինքը բանակ չունի, իր բանակը պալատկաներն են, առանց զենքի գերեվարվող զինվորները, խաբելով վարժական հավաքների տանելով սահմանին գերի հանձնելն է… Երբ, որ դու պետք է հույսդ դնես ռազմավարական քո գործընկերոջ վրա՝ դնես այդպես հարցազրույց տա՞ս: Այնքան չի հասկանում, որ կնոջը ուղարկում է Ուկրաինա»,-ասց Սամսոնյանը՝ հիշեցնելով, որ Ուկրաինան ամեն տարի նոյեմբերի 9-ին Ադրբեջանին շնորհավորում է Արցախը օկուպացնելու առթիվ:

Բանախոսը նաև հիշեցրեց, որ Սերժ Սարգսյանի պաշտոնավարման ընթացքում Հայոց ցեղասպանության 100-ամյակն էր նշվում, իսկ մյուս կողմից ՌԴ-ի հետ ռազմավարական գործընկերությունն այնքան էր խորացվում, որ Առաջին անգամ ՌԴ-ն Իսկանդեր է վաճառում Հայաստանին:

Նրա խոսքով՝ գործող իշխանությունները բոլոր գծերն են անցել:

«Նրանք թքած ունեն բոլոր տեսակի բարոյական նորմերի վրա, թքած ունեն իրենց համար մշուշոտ ապագայի վրա, առավել ևս, թքած ունեն հայ ժողովրդի վրա»,-ասաց Սամսոնյանը և, նշելով, թե իշխանությունները Սամվել Բաբայանի ձեռքով Արցախում քաոս են ուզում ստեղծել, ինչպես Հայաստանում 2018 թվկանին, հավելեց. «Աննա Հակոբյանի և Նիկոլ Փաշինյանի ձեռքը ճար լինի , եթե իմանան, որ դրանից ադրբեջանը շատ չի տուժելու, Արցախի վրա ինչ-որ մի ռումբ կգցեն , բոլոր արցախցիներին կվերացնեն և Արցախ դատարկ  կնվիրեն Ադրբեջանին»:

Անդրադառնալով Հայաստանի սահմաններին աճող լարվածությանը՝ Սամսոնյանն ասաց.«Ալիևը իր վերջին հարցազրույցներից մեկում, ասել էր որ շատ շուտով միջանցքը բացվում է, որ միջանցքի ուղղությամբ արել են ամեն ինչ, ասֆալտ են արել և այլը: Իսկ, միգուցե, Նիկոլի և Ալիևի պայմանավորվածության համարձայն այդ միջանցքը բացում են, ուղղակի փորձում են այն մեզ դրամատիկ ձևով ներկայացնել: Ինչու ենք մենք մտածում, որ Նիկոլը չգիտի, թե Ալիևն ինչ է անում: Ես չունեմ կասկած, սրանք համաձայնեցված են գործում, Ալիևն այնտեղ բաց է խոսում, սա այստեղ կռուտիտ է անում»:

Բանախոսը նաև վստահեցրեց, որ շուտով լինելու են լուրջ փողոցային գործողություններ: