Ժողովուրդ». Իշխանությունը չբռնեց գյուղացու ձեռքը, փոխարենը օժանդակում է հարուստներին` առավել հարստանալ
«Ժողովուրդ» թերթը գրում է.
«2018 թվականի հեղափոխությունից հետո «Հայր և որդի Երեմյաններ» ընկերության ղեկավար Դավիթ Երեմյանի հարաբերությունները լավացել են ՀՀ իշխանությունների հետ։ Բանն այն է, որ 2018 թվականի հունիսի 1-ից մինչև 2024 թվականի հունվարը 200-ից ավել պայմանագրեր են կնքվել «Հայր և որդի Երեմյաններ» ՍՊԸ-ի հետ Քաղավիացիայի կոմիտեից մինչև Ազգային Ժողով։ Հետաքրքիրն այն է, որ գնումները կատարված են մեկ անձից գնման սկզբունքով, առանց մրցույթի և մրցակցության՝ ընկերաբար: Երեմյանների մատուցած ծառայություններն են՝ ներկայացուցչական ծառայություններ, հանրային սննդի կազմակերպում, ՀՀ ոստիկանության կարիքների համար ներկայացուցչական, արարողակարգային ծառայությունների շրջանակներում հանրային սննդի կազմակերպում, ՀՀ ոստիկանության կարիքների համար ներկայացուցչական, արարողակարգային ծառայությունների շրջանակներում հանրային սննդի կազմակերպում և այլ ներկայացուցչական ծառայություններ, որոնց ամենաթանկ պայմանագրի արժեքը կազմում է 5 մլն դրամ։
Սա դեռ ամենը չէ․ «Հայր և որդի Երեմյաններ» ընկերությունը այնքան է հաճոյացել ՀՀ իշխանություններին, որ Կառավարության աջակցությամբ «խելացի» ֆերմա է կառուցել Տաշիր քաղաքում։ 16 ռեստորան ունեցող Yeremyan Projects ընկերության հիմնադիր և տնօրեն Դավիթ Երեմյանը մինչ Տաշիր համայնքում գտնվող ֆերման հիմնելը փոքրիկ ֆերմա էր ստեղծել Ջերմուկ քաղաքում։ Ջերմուկի ֆերման այժմ չի գործում, աշխատակիցներին նախորդ տարի նոյեմբերին հեռացրել են աշխատանքից, քանի որ Տաշիրի ֆեմայի բացվելուց հետո փոքրիկ ֆերման այլևս անհրաժեշտ չէր Երեմյաններին, և թող կորչեն աշխատատեղերը:
«Ժողովուրդ» օրաթերթը տեղեկացավ, որ 2022 թվականին Եվրասիական զարգացման բանկը Yeremyan Projects ընկերությանը հատկացրել է 25 մլն դոլար Տաշիր համայնքում անասնաբուծական նոր համալիրի կառուցման համար։ Ֆերմայի բացմանը ներկա է եղել ՀՀ էկոնոմիկայի նախարար Վահան Քերոբյանը, փոխնախարար Արման Խոջոյանը, և, ըստ Քերոբյանի, նման նախաձեռնությունները նաև խթան են մասնավոր հատվածի և արտահանման ներուժի զարգացման համար։ Այո՛, գուցե խթան են մասնավոր սեկտորի համար, սակայն մի քանի անգամ նվազեցնում են Հայաստանի գուղատնտեսության մակարդակը։
Բանն այն է, որ վերջին տարիներին զգալի չափով նվազել է անասնապահությամբ զբաղվող մարդկանց քանակը, կրճատվել են կենդանիների գլխաքանակները։ Նախկինում գյուղացուն պետությունն օգնում էր ոտքի կանգնել, իսկ այժմ պետությունն օգնում է անհատներին, հարուստներին, կարճ ասած՝ ներկա ժամանակաշրջանի օլիգարխ են աճեցնում, իսկ ՀՀ գյուղերը շարունակում են դատարկվել։ Փաստը մնում է փաստ, որ ՀՀ իշխանությունը այդպես էլ ոչինչ չարեց գյուղացու ձեռքը բռնելու կամ արտը ջրելու համար, ոչ մի կերպ չփոխհատուցեց գայլերի կողմից խոշտանգված անասունների տերերին հասցված վնասը, փոխարենը օժանդակում է հարուստներին` առավել հարստանալ»։
Մանրամասները թերթի այսօրվա համարում։
Հարակից հրապարակումներ`
- «Հրապարակ». Խաչատուր Սուքիասյանի ընտանիքին պատկանող «ՍԻԼ ինշուրանս»-ից կատարված պետգնումների ընդհանուր գումարը նվազել է
- «Փաստ». Փաշինյանն ու նրա կարկառունները Հայաստանը փորձում են վերածել բռնապետության
- «Ժողովուրդ». Փաշինյանի սկանդալային հարցազրույցից դեռ շատ ամոթալի մանրամասներ ի հայտ կգան
- «Հրապարակ». Նախատեսված բողոքի ակցիային զուգահեռ, ի պաշտպանություն եկեղեցու, դիմադրության շարժում է ձևավորվում
- «Փաստ». Կան տեղեկություններ, որ իշխանությունը դեմ կգնա հանրային կարծիքին ու ամեն ինչ կանի՝ հակազգային նախագիծն ընդունելու համար
- «Ժողովուրդ». Ալեն Սիմոնյանի հետագա պաշտոնավարման հարցը շարունակում է օդից կախված մնալ
- «Հրապարակ». Արարատ քաղաքում պուրակից հեռացվել են ազգային հերոսների նկարները
- «Փաստ». Նախկին «Գոլդեն փելես»-ի բացման պաշտոնական արարողությունը տեղի է ունեցել, երբ համալիր է այցելել Փաշինյանը
- «Ժողովուրդ». Պրոֆեսիոնալները ցանկություն չունեն աշխատելու ՔՊ թիմի հետ
- «Հրապարակ». Իշխանությունը «Այո»-ի շտաբը ձևավորելու գործընթաց է սկսել
Լրահոս
Տեսանյութեր
Ի՞նչ կա մեքենայի մեջ. Կիրանցում ծակեցին մեքենայի անվանդողերը
