Ձեր վստահելի աղբյուրը

«Ինձ են դիմել Արագածոտնի մարզի Վարդենուտ գյուղի բնակիչները՝ հայտնելով, որ իրենց տարածքներից շուրջ 115 հա հանրային գերակա շահ է ճանաչվել, և «ՌԻՏ » ՍՊԸ-ն ցանկանում է վճարել յուրաքանչյուր քմ-ի համար ընդամենը 300 դրամ։ Սա զավեշտալի գումար է․ տեղյա՞կ եք արդյոք խնդրից»,-ԱԺ-ում հարցուպատասխանի ժամանակ հայտարարեց «Հայաստան» խմբակցության պատգամավոր Գառնիկ  Դանիելյանը:

Դանիելյանի խոսքվ, «ՌԻՏ» ՍՊԸ-ն ցանկանում է այդտեղ կառուցել լեռնադահուկային համալիր և բնակիչներին խոստացել է 7 տարվա ընթացքում այդ մարդկանց ընդունել աշխատանքի, բայց բնակիչները վրդովված են, քանի որ 300 դրամը ծիծաղելի  գումար է, որը պետք է վճարվի ընկերության կողմից։

«Գյուղի 50-60 %-ն այդտեղ ունի հողատարածքներ: Բնակիչները  այդ հարց բարձրաձայնել են տարբեր ատյաններում, ստացել խոստումներ, որ այն լուծվելու է, սակայն ոչ մի պատասխան մինչ օրս չեն ստացել»,-ասաց նա:

Դանիելյանը հարցրեց, թե Նիկոլ Փաշինյանը հանդիպե՞լ է բնակիչների հետ,  ճի՞շտ է համարում, որ օտարերկրյա ներդնողը այքան ցածր գումարով հող է վերցնում ՀՀ քաղաքացիներից։

«Ես առաջին անգամ եմ  այդ մասին լսում, և այդ հարցը անարձագանք չի մնա», պատասխանեց Նիկոլ Փաշինյանը և հույս հայտնեց այդ հարցով կզբաղվի  Էկոնմիկայի նախարարությունը, և հանձնարարեց նախարաի պաշտոնակատարին զբաղվել այդ հարցով։