Ցավոք, մենք քիչ կառույցներից ենք, որ կարողացանք Հայաստանում վերականգնել մեր գործունեությունը.Արցախի տեխնոդպրոցի տնօրեն Աշոտ Ավանեսյան
«ՌեԱրմենիա»-ն համագործակցության հարթակ է, որտեղ Հայաստանի տարբեր խնդիրներ լույծող նախագծեր են ներկայացվում 4 տեսակի աջակցություն ստանալու նպատակով՝ ֆինանսական, մասնագիտական, կապեր, փորձ, գիտելիքներ։ Հարթակի մեկնարկը տրվել է 2021 թվականի հոկտեմբերին։ Այնտեղ գործել են նաև Արցախի Հանրապետությունում ստեղծված և իրագործվող ծրագրերը։
Panorama.am-ը զրուցեց Արցախի Հանրապետության Մարտունու շրջանում ստեղծված «Մունք» տեխնոդպրոցի հիմնադիր տնօրեն Աշոտ Ավանեսյանի հետ։
Ա. Ավանեսյան-Մեր առաջին տեխնոդպրոցը եղել է Արցախի Մարտունու շրջանի Հաղորտի գյուղում, երկրորդը՝ Ստեփանակերտում, 250 շահառու ենք ունեցել։ Ցավոք, մենք քիչ կառույցներից ենք, որ կարողացանք Հայաստանում արագ վերականգնել մեր գործունեությունը։ Ներկայում Լոռու մարզում ենք մեծ ծավալով գործունեություն ծավալում, և խոսք է գնում 400 շահառուների մասին, որոնց շուտով կգումարվեն նաև նոր գրանցվածները։
Հիմնականում շահառուներն են Տաշիր քաղաքը՝ հարակից գյուղերով, ինչպես նաև Վանաձորը։ Կապանում առաջիկա ամսում կգործարկվի տեխնոդպրոցի առաջին լաբը և աշնանը նախատեսում ենք Վարդենիսում բացել։ «ՌեԱրմենիան» էլ մեր կարևորագույն գործընկերներից մեկն է, որովհետև մեր գործունեթյունն անվճար է, բարեգործական է բոլոր շահառուների համար, այդ պատճառով էլ մենք մշտապես օգտվել ենք դրամահավաքներից և «ռեԱրմենիան» այն հարթակն է, որտեղ մենք մշտապես կազմակերպել ենք մեր դրամահավաքները։
Մեր համար կրիտիկական էր Լոռու մարցում տեխնոդպրոցի վերականգնում և այս հարթակ գալով կարողացանք այն անել։ «Հովնանյան» հիմնադրամն առաջին 4 ամսվա բյույջեի կրիտիկական մասը կարողացավ ապահովել, որպեսզի կարողանանք վերածնել դպրոցը Հայաստանում։ Մշակույթը տարածելու խնդիր կա, որ մարդկանց համար բնականոն պրոցես դառնա և ամեն ամիս ինչ-որ մի լավ նախագծի, խոսքը միայն «Մունք» -ի մասին չէ, այլ նախագծերի էլ «ռեԱրմենիա»-ի հարթակով՝ թեկուզ մի լանչի գումարով աջակցեն, և այդպես մենք կունենանք հարյուրավոր նախագծեր, որոնք փոխում են Հայաստանը բոլորիս մասնակցությամբ։
Panorama.am-Ո՞րն է ձեր առաքելությունը, ի՞նչ խնդիրներ է լուծում «Մունք» տեխնոդպորցը
Ա.Ավանեսյան-Մեր ռազմավարական նպատակը մարզերի և սահմանամերձ բնակավայրերի զարգացումն ու պահպանումն է։ Մարզերում մեր թիվ մեկ խնդիրը երիտասարդներին այնտեղ պահելն է։ Նրանք այդտեղից հեռանում են հնարավորությունների հետևից, կրթվելու, զարգանալու համար։ Մենք հենց այդ խնդիրն ենք լուծում։ Գնում ենք մարզ, գյուղ և աշխարհի լավագույն հնարավորությունն ենք տանում երիտասարդների համար՝ առաջին հերթին կրթությամբ՝ տեխնոլոգիական կրթություն ստանալու, որովհետև այն լավագույն միջոցն է, որպեսզի նրանք մնալով իրենց համայնքներում, աշխատանք, կապեր և հետագա զարգացման հնարավորություն ունենան։ Մենք հնարավորություն ենք տալիս երիտասարդներին, չունենալով համապատասխան գիտելիք, գալով մեր մոտ, 0-ից մինչև մասնագիտական կայացում և շուկայում ինտեգրում անցնեն մեր ծրագրի շրջանակներում։ Մենք ընդունում ենք աշակերտին կամ երիտասարդին, որն այնքան էլ պատկերացում չունի համայնքում իր անելիքի և ապագայի մասին և վերջում ունենում ենք մարդու, որը համայնքում ապրում է, լավ աշխատանք ունի և համայնքի համար ստեղծում է։ Այն դրվելու է փակ շղթայի մեջ և յուրահատուկ էկոհամակարգ կձևավորվի մեր սահմանամերձ շրջաններում։
Panorama.am-Արցախո՞ւմ էլ էր խնդիրները նույնը։
Ա.Ավանեսյան-Նույն գործառույթն էլ անում էինք Արցախում, իմիջիայլոց, խնդիրներն էլ էին նույնը, նույնիսկ Հայաստանում ավելի շատ են խնդիրները՝ ինչքան Երևանից ավելի հեռու ենք գնում։ Այսօր Հայաստանի մարզերում մեր երիտասարդները կարիք ունենք կտրաված չլինելու աշխարհից և ունենալու ոչ պակաս հնարավորություններ Երևանում կամ այլ քաղաքում ապրող իրենց հասակակիցներից։
Panorama.am-Արցախի ձեր շահառուների հետ Հայաստանում կապ կա՞։
Ա. Ավանեսյան-Այն շահառուները, որոնք Արցախում հասցրել էին մասնագիտական կրթություն ստանալ, հաղթահարել երկրորդ փուլը, նարնք հիմա այստեց են՝ Հայաստանի շուկայում։ Մի մասը փորձաշրջանի փուլում է, մի մասի կրթույունն էլ մնացել է թերի և պետք է շարունակեն։ Լոռու մարզի բնակիչ մեր շահառուներից զատ, շարունակում ենք մեր աշխատանքը Արցախցի շահառուների հետ, բացառությամբ նոր ընդունվածների,քանի որ մեր ծրագիրը բացառապես օֆլայն է և շատ դժվար է զրոյական գիտելիք ունեցողների հետ առցանց ծրագիր իրականացնել և ցավոք սրտի տուժում են այն արցախցի երեխաները, որոնք նոր էին ընդունվել որպես շահառու։
Հարակից հրապարակումներ`
- Մենք փորձելու ենք այնպես անել, որ և՛ Հայաստանում, և՛ Սփյուռքում ավելի շատ մարդ իմանա ծրագրերի մասին և համայնք ձևավորվի. Սամվել Մարտիրոսյան
- Երեք տարվա ընթացքում «ռեԱրմենիա»-ում 101 նախագիծ է իրականացվել, ընդհանուր 3 մլն դոլար արժողությամբ. Գևորգ Պողոսյան
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան