![](https://panorama.am/news_images/995/2984728_1/f660c07ad36286_660c07ad362c6.thumb.jpg)
LVMH-ի սեփականատեր Բեռնար Առնոն կրկին գլխավորել է Forbes-ի աշխարհի ամենահարուստ մարդկանց վարկանիշը
Լյուքս դասի ապրանքներ արտադրող ֆրանսիական LVMH (LVMH Moet Hennessy - Louis Vuitton) սեփականատեր Բեռնար Առնոն հերթական անգամ գլխավորել է Forbes-ի վարկածով աշխարհի ամենահարուստ մարդկանց ամենամյա վարկանիշը։ Այդ մասին հայտնում է «ՌԻԱ նովոստի»-ն։
Առնոյի կարողությունը գնահատվում է 233 միլիարդ դոլար, մեկ տարի առաջ այն 211 միլիարդ էր։
Երկրորդ տեղում է ձեռներեց Իլոն Մասկը, որի կարողությունը մեկ տարի առաջվա 180 միլիարդից հասել է 195 միլիարդի:
Ցուցակի երրորդ տեղը կրկին զբաղեցնում է Ջեֆ Բեզոսը։ Amazon առցանց մանրածախ առևտրի հիմնադիրի կարողությունը 194 միլիարդ դոլար է՝ մեկ տարի առաջվա 114 միլիարդ դոլարից հետո:
Մարկ Ցուկերբերգը, ում կարողությունը մեկ տարի առաջվա 64,4 միլիարդ դոլարից հասել է 177 միլիարդ դոլարի, 16-րդ հորիզոնականից բարձրացել է չորրորդ:
Հինգերորդ տեղում Oracle-ի գործադիր տնօրեն Լարի Էլիսոնն է, ում կարողությունը 107 միլիարդ դոլարից հասել է 141 միլիարդ դոլարի:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)