Պատմական Հայաստանը և իրական Հայաստանը սպառնալիքներ են ստեղծում մեկը մյուսի համար. Նիկոլ Փաշինյան
«Ամենամյա այս ձևաչափի առանցքը հարցի պարզաբանումն է, թե մեզ հետ ինչ է տեղի ունեցել, ունենում, որտեղ ենք հասել և որտեղ ենք գտնվում»,-ԱԺ նիստում հայտարարեց Նիկոլ Փաշինյանը՝ ներկայացնելով Հայաստանի Հանրապետության կառավարության ծրագրի (2021-2026 թթ.) 2023 թվականի կատարման ընթացքի և արդյունքների մասին զեկույցը։
Նա հայտնեց, որ այդ պարզ և բարդ հարցին պատասխանելուն օգնել է ԱԺ-ում տեղի ունեցած հարցուպատասխանը։
«Դրա շուրջ մտածումներն ինձ ակնհայտ դարձրեցին, որ 2021 թվականից ի վեր այս դահլիճում տեղի ունեցող բանավեճերը որքան էլ հանրության աչքին անքաղաքավարի, ապաքաղաքական ու անբովանդակ թվան, իրականում հայեցակարգային բովանդակային և ռազմավարական լրջագույն խորք ունեն, որովհետև մեծ հաշվով այդ բանավեճերում բախվուիմ են երկու տեսակետներ»,- ասաց Փաշինյանը և պարզաբանեց, որ դրանցից մեկը կարելի է տեղավորել պատմական Հայաստանի, մյուսը՝ իրական Հայաստան բանաձերի ներքո։
Նրա խոսքով մինչև 44-օրյա պատերազմը կար համոզմունք, որ պատմական և իրական Հայաստաններ ոչ միայն կարող են գոյակցել, այլև աջակցել մեկը մյուսին։
«Կառավարության և անձամբ իմ քաղաքական հոգեբանական և գործնական տրանսֆորմացիան, որ տեղի է ունեցել բոլորիդ աչքի առաջ, բայց չի ձևակերպվել, որպես այդպիսին, հենց սրանում է՝ կառավարությունը և անձամբ ես հանգել ենք այն համոզման, որ պատմական Հայաստանը և իրական Հայաստանը ոչ միայն համատեղելի չեն, այլև հաճախ հակոտնյա են միմյանց և նույնիսկ լրջագույն սպառնալիքներ են ստեղծում մեկը մյուսի համար»,-հայտարարեց Նիկոլ Փաշինյանը։
Նա հայտնեց, որ միայն 2022 թվականին արձանագրել են, որ ՀՀ-ի անվտանգության ապահովման առանցքային գործոնն առհամարված է, որ այն հայկական պետականության հիմնադրման առաջին տարիներից է տեղի ունեցել և այդ գործոնը ՀՀ միջազգայնորեն ճանաչված սահմաններն են, ՀՀ միջազգայնորեն ճանաչված տարածքը։
Փաշինյանն Ասց, որ 2022 թվականի սեպտեմբերյան պատերազմից հետ համնոզվել է, որ ՀՀ միջազգայնորն ամրագրված տարածքի արձանագրումն է, որ կարող է լրացուիցչ և որոշիչ գործոն դառնալ մեր երկրի կարճաժամկետ, միջնաժամանկետ և երկարաժամկետ անվատնգությու ապահեվոլու համար։
Այդ հետո պիտի պարզվեր, որ ՀԱՊԿ-ը ոչ թե որպես դաշնակից է ուզում գալ ՀՀ, այլ որպես խաղաղապահ
«Հայաստանի պետականությունը զրոյացնելու հաջորդ փորձը եղել է 2021թ-ի մայիսի 12-ին։ Ընդամենը երկու օր անց այն բանից հետո, երբ ՀՀ-ի ԱԺ-ն լուծարված էր, կառավարությունը՝ հրաժարական տված՝ երկրում արտահերթ ընտրություններ անցկացնելու նպատակով, Ադրբեջանի զինված ուժերը Սոթք-Խոզնավար հատվածում ներխուժեցին ՀՀ-ի ինքնիշխան տարածք։ Այն ժամանակ կային ուժեր, որ մեզնից պահանջում էին ռազմական գործողություններ սկսել, որպեսզի, ինչպես իրենք էին ասում, ՀԱՊԿ-ը գա մեզ օգնության»,- հայտարարեց Փաշինյանը։
Նրա խոսքով՝ նման կարծիք հայտնողների տրամաբանությոընն այն է, որ առանց ռազմական գործողությունների ՀԱՊԿ-ը չէր կարող օգնել։
«ՀԱՊԿ-ի դե յուրե ձևավորված պարտավորությունները բոլորովին այլ բանի մասին էին վկայում։ Այդ հետո պիտի պարզվեր, որ ՀԱՊԿ-ը ոչ թե որպես դաշնակից է ուզում գալ ՀՀ, այլ որպես խաղաղապահ, ինչով փաստացի ՀՀ-ին դուրս էր դնում անվտանգային երաշխիքների իր համակարգից»,- ասաց Փաշինյանը և վստահեցնելով, որ եթե կառավարությունը այն ժամանակ տուրք տար այդ շեշտադրումներին, ապա իրադարձությունները կարող էին ընթանալ այլ սցենարով, շարունակեց. «Ռազմական գործողությունների ծավալում ՀՀ ինքնիշխան տարածքների խորքում, ԱԺ ընտրությունների չկայացում՝ այդ պատճառով, ընտրված իշխանության բացակայություն, ՀԱՊԿ՝ ոչ թե դաշնակիցների, այլ խաղաղապահների ծավալում, ապա դրածո իշխանության ձևավորում և ՀՀ պետականության փաստացի լուծարում»։
Նրա խոսքով՝ ժողովուրդը այդ օրերին պետականակենտրոնություն ցուցաբերեց, ընտրություններ անցկացվեցին, որոնք, ըստ Փաշինյանի, միջազգայնորեն գնահատվեցին որպես ազատ ու ժողովրդավարական։
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան
