Ձեր վստահելի աղբյուրը

Մայիսի 26-ին ժամը 16։00-ին Հանրապետության Հրապարակում լինելու է «Տավուշը հանուն հայրենիքի» շարժման մեծ հանրահավաքը։

«Մայիսի 26-ին կլինի մեր կարևոր հանրահավաքը։ Ամսի 27-ին կմեկնարկեն մեր կոնկրետ նախաձեռնությունները»,- օրեր առաջ հայտարարել էր շարժման առաջնորդ, ՀԱԵ Տավուշի թեմի առաջնորդ Բագրատ արքեպիսկոպոս Գալստանյանը։ 

Շարժմանը միացած մշակութային գործիչները մայիսի 26-ին  լինելու են Հանրապետության հրապարակում, որովհետև...   

Ռեժիսոր, մուլտիպլիկատոր, ՀՀ մշակույթի վաստակավոր գործիչ  Դավիթ Սահակյանց. «Ես մասնակցելու եմ մայիսի 26-ի հանրահավաքին, որովհետև չեմ ուզում իմ երկիրը դառնա թուրքական վիլայեթ»։

Պարարվեստի գործիչ Հրաչյա Բադալյան. «Մեր լեզուն հայերենն է, մեր դրոշը Եռագույնն է, մեր եկեղեցին Առաքելականն է, մեր հայրենիքը Հայաստանն է»։

Երգիչ Արամո. «Չեմ ուզում կորցնել մեր եկեղեցին, մեր լեզուն, մեր մշակույթը, մեր հավատքը»։ 

Երգչուհի, ՀՀ վաստակավոր արտիստ Աննա Մաիլյան. Մայիսի 26-ին կլինեմ Հանրապետության Հրապարակում, որովհետև հաշտ չեմ Հայրենիքիս և հայորդիներիս կորտի հետ, մշակույթիս և ինքնությանս ոտնահարման հետ։ Ուզում եմ հայրենիքս մեջքն ուղղի և ասի՝ հայ, Հայաստան, հայրենիք ու Աստված»։ 

Նրանց ուղերձները հրապարակված է «Ազգային ճակատ» թելեգրամյան ալիքում։