Հարութ Սասունյան. Ամբողջ աշխարհն էլ եթե ճանաչի Հայոց ցեղասպանությունը, Թուրքիան չի ճանաչի
«Թուրքիան հզոր պետություն է և ճնշումներին ազդեցությամբ չի ճանաչի Հայոց ցեղասպանությունը: Թուրքիան կանի այն, ինչ բխում է իր շահերից»,-լրագրողների հետ հանդիպման ժամանակ նման դիտարկում արեց «Կալիֆորնիա Կուրիեր» թերթի հրատարակիչ և խմբագիր Հարութ Սասունյանը:
Ըստ նրա, ամբողջ աշխարհն էլ եթե ճանաչի Հայոց ցեղասպանությունը, Թուրքիան չի ասի, որ եղել է Ցեղասպանություն:
«Բայց մենք պետք է շարունակենք մեր պայքարը դատարաններում, ցույցերով, գրքերով, ֆիլմերով, ամեն ինչով: Անշուշտ, հզոր պետություն չենք, այլապես թուրքերը կվախենային ու նույն օրը կճանաչեին, կհատուցեին: Իրենք են հզոր, մենք թույլ, աշխարհում արդարությունը, ճշմարտությունն արժեք չունի, եթե թույլ ես: Եթե հզոր ես, արդարությունը, ճշմարտությունը քո կողքին է»,- նշեց Հ. Սասունյանը:
Նա նշեց, որ Հայոց ցեղասպանության մասին արդեն լսվել է աշխարհով մեկ, Հայաստանն արդեն երկար տարիներ վատնել է ճանաչում հետապնդելով. «Ով ուզում էր ճանաչել, արդեն արել է, ոչ չի ուզում, չի ճանաչի, քանի որ, ինչպես նշեցի, մենք հզոր պետություն չենք, որ ստիպենք մեր բանակներով ճանաչել Հայոց ցեղասպանությունը»:
Ինչ վերաբերում է Թուրքիայի վարչապետ Ահմեթ Դավութօղլուի վերջին հայտարարությանը, Հ. Սասունյանն ասաց. «Թուրքական քաղաքականության լկտի խաղերն են, փորձում են խաբել արտաքին աշխարհին: Ցավ են հայտնում թե թուրքերին, թե հայերին, ովքեր մահացել են Առաջին աշխարհամարտի ժամանակ: Իրենք իրենց մեղքով են մահացել՝ դուրս գալով հզոր պետությունների դեմ, իսկ մենք պատերազմի զոհեր չենք, ցեղասպանության անմեղ զոհեր ենք»:
Նա ընդգծեց, որ արտաքին աշխարհը շատ դեպքերում հավատում է թուրքական ստին:
Հ. Սասունյանի խոսքով, Թուրքիան նախաձեռնելով Գալիպոլիի միջոցառումները, նպատակաուղղված է դա արել՝ կեղծելով օրը: Նպատակը, ըստ նրա, մեկն է՝ խանգարել ապրիլի 24-ին Հայաստանում կազմակերպվելիք միջոցառումներին:
Նախորդող հրապարակումներ՝
Քերոլայն Քոքս. Աղոթում ենք, որ Մեծ Բրիտանիան և ԱՄՆ-ն ճանաչեն Հայոց ցեղասպանությունը
Թեև թուրքական պատվիրակություններն ամենուր են, բայց չեն կարողանում խանգարել. Վ. Սարգսյան
Վիգեն Սարգսյան. Երևանյան համաժողովի նկատմամբ հետաքրքրությունը շատ մեծ է, արդյունքն` ակնառու
Նախորդ ոճիրների դատապարտումով է պայմանավորված նոր հանցագործությունների կանխարգելումը. Ամենայն Հայոց Կաթողիկոս
Թուրք պրոֆեսոր. Անտեղի է համեմատել հայ և թուրք ժողովուրդների ցավը
Ջեֆրի Ռոբերտսոն. 1915 թվականին կատարվածը ողբերգություն չէ, միջազգային հանցագործություն է
Դանիել Ֆեյերստեյն. Մենք պատրաստ ենք պայքարել հայերի նկատմամբ իրականացված ցեղասպանության ճանաչման համար
Թորբյորն Յագլանդ. «Հայաստանը հույս ներշնչող պետություն է, Ձեր տառապանքը կարողացել եք ուժի վերածել»
«Մարդկությունը բարոյական պարտավորություն ունի պայքարելու ընդդեմ ցեղասպանության հանցագործությունների» (լուսանկարներ)
Հայ ժողովրդին ոչնչացնելու փորձին մեր պատասխանը պետականության կառուցումն է, մեր վերածնունդն է. Սերժ Սարգսյան
ՀՀ նախագահ. Դեպի հաշտություն տանող ուղին ժխտողական կեցվածքը չէ, այլ գիտակցված հիշողությունը
Վազգեն Մանուկյան. Ապրիլի 24-ից հետո շարունակելու ենք ապրել, ինչպես ապրել ենք
ԱԺ նախագահ. Հայաստանը միայն իրենից պետք է ակնկալիքներ ունենա